Канадын дуучин залуу Жастин Бибер Лондонд тоглолт хийх үеэрээ ухаан алдан унасан тухай мэдээлэл цацагдсан.Тоглолтын өмнө Биберийн бие тааруухан байсан ч тайзнаа гарахаар шийдсэн юм байна. Гэвч дөрвөн дуу дуулсныхаа дараагаар тайзны хөшигний ард гэнэт ухаан алдан унасан ажээ. Менежер нь түүнийг яаралтай эмнэлэгт хэвтэхийг шаардсан ч Бибер тоглолтоо үргэлжлүүлнэ гэж зүтгэсэн гэнэ. Түүнийг тайзнаа хэсэг минутын дараагаар эргэн гарч ирэхэд үзэгчид уулга алдан, маш сайхан хүлээн авчээ. Ингээд Бибер эргэн гарч, концертоо дуусгасныхаа дараагаар эмнэлэг рүү явжээ.
Жастины бие одоо тун сайн байгаа бөгөөд эмч нар дуучныг эмнэлэгт нэг хэсэгтээ байлган харах шаардлагатай гэж үзэж байгаа гэнэ. Юунаас болж ухаан алдан унасныг эмч нар эцэслэн тогтоохыг хичээн ажиллаж байгаа аж.
www.URLAG.mn
