АНУ-ын Элчин сайдын яамнаас өнөөдөр Black box театрт “Ану хатан” түүхэн уран сайхны кино үзлэг зохион байгуулж байна. Киноны өмнө АНУ-аас Монгол Улсад суугаа онц бөгөөд бүрэн эрхт Элчин сайд хатагтай П.Э.Кэмпбелл үг хэлж, уран бүтээлчидтэй нь уулзалт хийх ажээ. Энэхүү арга хэмжээнд киноны уран бүтээлчдээс ерөнхий продюсер Д.Болдхуяг, зохиолч Б.Шүүдэрцэцэг, Ану хатны дүрийг бүтээсэн дуучин МУСТА, Д.Отгонжаргал, Галдан хаан буюу МУСТА, жүжигчин М.Мягмар, ерөнхий зураглаач Д.Ангараг нар оролцож кино бүтээсэн талаар ярихаар уригдсан байна.
АНУ-ын Элчин сайд нь эмэгтэй хүн учраас саяхан болж өнгөрсөн Олон улсын эмэгтэйчүүдийн эрхийг хамгаалах өдөртэй холбогдуулан эмэгтэй уран бүтээлчдийн бүтээл, Монголын түүхэн хатны тухай энэ киног үзэхээр санал тавьжээ.
www.URLAG.mn