Дуучин жүжигчин одууд гоо сайхны мэс заслын эмнэлэг дээр очин хууль бусаар мансууруулах бодис бүхий тариаг судсаараа тариулсан хэрэг өнгөрсөн оны 12 сард гарсан билээ. Нэрийг нь нууцалж байсан эдгээр бүсгүйчүүдийн нэр тодорч тэд цагдаагийн байгууллагад шалгагдаж эхэллээ. Жүжигчин Пак Ши Ён 185 удаа , жүжигчин , Мисс Кореа И Синг Ён 111 удаа, жүжигчин Жанг Мин Э 95 удаа, харин хөтлөгч Хёнёнг 42 удаа тус тус мансууруулах бодисыг тариулж байсан нь батлагдаж, хөтлөгч Хёнёнг 5 сая воноор торгуулж бусад 3-т нь эрүүгийн хэрэг үүсгээд байна. Арьсаа гоё сайхан байлгах, ботокс тариа тариулах, гоо сайхны бага зэргийн мэс засал хийлгэх зэрэг шаардлагаар гоо сайхны эмнэлэгээр олон удаа үйлчлүүлж байсан нь үнэн боловч тухай бүр мансууруулах тариа тариулж байгаагүй хэмээн мэдэгдэж буй дээрх жүжигчин бүсгүйчүүдээс хэргээ хүлээгээд байгаа нь ганцхан хөтлөгч Хёнёнг бөгөөд тэрээр мөн 2009 онд ч ийм хэрэгт холбогдож байсан удаатай юм байна.
