Жастин Биберийн Их Британий Лондон хотноо хийсэн аялан тоглолт гуравдугаар сарын 5-наас 7-ний өдрийг хүртэл гурав хоног үргэлжилсэн юм. Гэвч тэрээр сонсогч, шүтэн бишрэгчдээ удаан хүлээлгэсэн тоглолтынхоо анхны өдөр л шалтгаангүйгээр хоцорч, олон нийтийг бухимдуулаад амжсан байна. О2 Цэнгэлдэх хүрээлэнд 20:30 минут гэхэд бүх үзэгчид цуглаж, суудлаа аль хэдийнэ эзлээд байсан ч, Жастин хоёр цагийн дараа буюу 22:30 минутанд тайзнаа гарч иржээ.
Олон цаг хүлээсэн хүмүүст сүүлийн галт тэргэнд амжиж суун, гэртээ харих л сонголт үлдээд байсан гэнэ. Ассошэйтэд Прэсс агентлагийн мэдээллэж байгаагаар, цэнгэлдэх хүрээлэнгийн гадна олон тооны өсвөр насны охидууд уйлж харагдсан байна. Учир нь тэдний асран хамгаалагч, эцэг эхчүүд нь хэт оройтсон учраас хүүхдүүдийнхээ сонирхлыг үл тоомсорлон тоглолтын эхэн хэсгээс орхин гарчээ. Үүнээс болж, Жастин Биберийн Твиттер дэх цахим хуудас гомдлын үгээр дүүрсэн байна.
Эх сурвалж: UBS-Entertainment news
