Монголын анхдагч төрийн бус өмчийн дээд сургуулиудын нэг "СИТИ” дээд сургуулийн хамт олон өнөөдөр 15-н жилийн ойдоо зориулж түүхэн гэрэл зургийн үзэсгэлэнгийнхээ нээлтийг хийлээ. Тэртээх 1998.08.11-ний өдрийн БСШУЯ -ны сайдын 182 тоот тушаалаар тусгай зөвшөөрлөө авч үйл ажиллагаага эхлүүлж байсан тус сургуулийнхан ойдоо зориулан олон арга хэмжээ зохион байгуулж байгаа бөгөөд эрдэм шинжилгээний бага хурал, шинжилгээ судалгааны ажлуудыг хийж байгаа аж.
Түүнчлэн гурван том мюзикль тоглогдох бөгөөд "Парисын Эх Дагины Сүм" 19, 20-нд 19 цагт ДБЭТ, "Cats /Муурнууд/" мюзикл 28, 29, мөн 04 сарын 01-нд 19 цагт УДЭТ, "Исүс Христ Сүперстар" рок мюзикл ирэх 04 сарын 2,3-нд УДЭТ-ын тайзнаа тоглогдох юм байна. Ийнхүү дэлхийн шилдэгт тооцогддог тус жүжгүүдийн хувцас хэрэглэл, тайз дэлгэцийг манай сургуулийн хувцас болон интерьерэр дизайн, будаг чимэглэлийг гоо сайхан, реклам сурталчилгаа мэдээ мэдээллийг бизнесийн ангийн оюутнууд хамтран зохион байгуулж байгаа юм. Мөн ирэх 04 сарын 5-нд “Гоо зүйн боловсролыг оюутан залуучуудад төлөвшүүлэх нь” сэдэвтэй олон улсын эрдэм шинжилгээний бага хурал, ирэх 04 сарын 12-нд 19 цагт Blue Sky Convention Center-т "15 Жил" хэмээх хувцас загварын үзүүлэх тоглолт, ирэх 04 сарын 14-ний 14 цагт СТӨ- нд 15 жилийн ойн хүндэтгэлийн “Гала концерт” тус тус болох ажээ.
Ингээд өнөөдөр болсон түүхэн гэрэл зургийн үзэсгэлэнгийн фото зурагнуудаас та бүхэндээ хүргэж байна.
www.URLAG.mn
