Өчигдөр Лос-Анжелесийн шүүх Линдсей Лоханы авто осол гаргасан хэргийг шүүгээд гурван сар эмнэлэгт хэвтэн эмчлүүлэх шийдвэр гаргажээ. Гэхдээ энэ хугацаанд зугаалах, наргих дуртай жүжигчин эмнэлгийн хаалгаар огт гарч болохгүй гэнэ. Лохан папараццчдаас зугтаж яваад машинтай мөргөлдсөн ч хэргийн газраас зугтсан нь цагдаа нат сэжиг төрүүлсэн юм. Хэдийгээр Лохан зугтсаныгаа яаралтай зураг авалттай байснаар тайлбарласан ч үнэн хэрэгтээ согтууруулах ундаа хэрэглэчихсэн үедээ жолоо барьсан нь тогтоогдсон юм байна. Ингээд өчигдөр шүүх хурал эхлэх цагаас нэг цаг хоцорч Лохан Нью-Йоркоос Лос-Анжелест нисэн иржээ. Тэрээр хувийн онгоц 50 мянган ам.доллараар хөлслөн нисч ирсний төлбөрийг нь түүнийг дэмжигж энергетикийн нэгэн компани гаргасан байна.
Лохан цайвар өнгийн хувцсаар гоёж, шүүхийн өмнө бүчсэн олныг нүдний шилний араас мушийн ширтсээр оржээ. Гэвч шүүхийн танхимд ороод шилээ аван, хийсэн хэргийнхээ талаар сонсож эхэлмэгцээ царай нь барайж, бие нь муу байгаа нь тодорхой харагдаж байсан байна. Лоханд шүүхээс шоронд хорих ял оноож ч болох байсан ч гэсэн согтууруулах ундааны дуршлаас ангижруулах эмнэлэгт гурван сарын турш эмчлүүлэх шийдвэр гаргажээ.
www.URLAG.mn
