Арван жилийн ойдоо зориулж шинэ уран бүтээлээ фэнүүддээ хүргэн аялан тоглолтоо эхлүүлээд байсан Их Британийн хөгжмийн ертөнцийн алдартай хамтлагуудын нэг “Girls Aloud” дахин тарах болсон талаараа өчигдөр мэдэгджээ. Хамтлагийнхан өчигдөр арван жилийн ойдоо зориулсан аялан тоглолтоо өндөрлөсний дараа албан ёсны цахим хуудсаараа дамжуулан олон сая фэнүүддээ сэтгэл гонсойлгосон дээрх мэдээг дуулгасан байна. Хамтлагийн охид өөрсдийн Твиттер хуудсанд “Бидний хамтдаа уран бүтээлээ хүргэх цаг мөч одооноос өндөрлөж байна” хэмээн сүүлчийн тоглолтын тайзнаасаа буусны дараа мэдэгдсэн аж. Шерил Коул, Кимберли Уолш, Надин Койл, Никола Робертс, Сара Хардинг нарын бүрэлдэхүүнтэй “Girls Aloud” охидын хамтлаг ийнхүү тарлаа.
www.URLAG.mn