Австралийн залуу найруулагч Бенж Бинкс орчин үеийн Монголын хөгжмийн ертөнцөд репийн эзлэх байр суурь, хөгжил, уран бүтээлчид, граффити урлагийн тухай өгүүлэх “Mongolian bling” нэртэй баримтат киног бүтээжээ. Уг киноны ажил өнгөрсөн жил бүрэн дууссан байна. Энэхүү баримтат кинонд реппер Gee, Quiza, “Хар сарнай” тэргүүтэй хамтлаг, уран бүтээлч оролцжээ. Өнгөрсөн долоо хоногт уг киног Бээжинд болсон “Азийн киноны долоо хоног”-т танилцуулсан нь олон орны уран бүтээлч, үзэгчдээс сайн үнэлгээ авсан гэнэ. Монгол репийг сурталчлах “Mongolian bling” ирэх сараас Хятадын Шанхай, Канадын Торонто, Английн Лондон, Америкийн Сан-Диего зэрэг хотод нээлтээ хийхээр болжээ.
www.URLAG.mn
