Дэлхийн хамгийн үзэсгэлэнтэй загвар өмсөгчдийн нэг Миранд Керрийг нүцгэлэхийг түүний нөхөр, жүжигчин Орландо Блум хориглосон гэнэ. Хоёр настай хүү Флинн нь тун санаандгүйгээр эхийнхээ нүцгэлсэн зургийг олоод харчихсан тул Орландо Блум ийнхүү хориг тавихаар шийдсэн ажээ.“Өмнө нь Орландо эхнэрийнхээ ажлыг хүндэлж, ойлгохоос аргагүй байлаа. Тухайн үед тэр биеэ бариад л явдаг байсан болов уу. Гэвч одоо бол энэ байдал арай хэтэрсэн гэнэ. Учир нь хүү Флинн нь хүртэл эхийнхээ нүцгэн зургийг багаасаа харж өсөх гэж үү? Дотуур хувцасны рекламд тоглохын тулд нүцгэлэхээс өөр аргагүй гэдгийг Блум ойлголгүй л яахав. Гэхдээ хүү нь том болох тусмаа ээжийнхээ нүцгэн зургуудыг хараад эмзэглэж, хүмүүжилд нь хэрхэн нөлөөлөх бол гэж тэр санаа зовох болсон учраас ингэж хориглосон хэрэг. Гэвч гэртээ бол эхнэрээ нүцгэн байхыг хориглохгүй гэдгээ хэлсэн” хэмээн хосын ойрын гэх эх сурвалж хэвлэлд ярьжээ.Өнгөрсөн жил Блум, Миранда хоёрын харилцаа хөрж эхэлсэн талаар хэвлэлээр олонтаа мэдээлсэн ч тэд хамтдаа хүү Флиннийгээ өсгөсөөр байгаа билээ.
www.URLAG.mn
