Монголын сонгодог урлагт шинэ өнгө төрх нэмэх театр мэндэллээ. “Их Эзэн Хааны Театр” нь өнгөрсөн 3 дугаар сард байгуулагдсан бөгөөд тайзны урлагийг хөгжүүлэх, хамгийн сүүлийн үеийн шинэ төрлийн урлагийг хүргэх зорилготой ажээ. Гэхдээ үндэсний монгол өв уламжлалыг хэвээр нь хадгалан үлдээх бөгөөд урлагийн бүх чиглэл рүү хандсан уран бүтээл туурвихаараа онцлогтой юм байна. Театрын уран бүтээлчид ч орчин үеийг илэрхийлэх тэр дундаа маргаашийн залуусын хүсэл сонирхлыг гүйцэлдүүлэх тэдний таалалд нийцэхүйц хэмжээний бүтүүлээд тавих зорилго агуулж байна. Тэр ч утгаараа хуучнаа үгүйсгэхгүй, хэт ирээдүйг бүрдүүлэх хүсэлтэй ажээ. Ийнхүү тэд театрынхаа анхны тоглолтоо “ROYAL” бүжгийн үдэшлэг буюу сонгодог урлагийн тоглолтоор нээх гэж байна. Энэ тоглолт сонгодог урлагийг үндэсний урлагтай хослуулах бөгөөд орчин үеийн урлагийг дэмжих, таниулах зорилготой ажээ.Тоглолтонд пост модерн, хард модерн, нийтийн урлагийн бүжгүүд тоглогдоно. Түүнээс гадна Дон Гихот, Обер, Карсар, Жизель зэрэг дэлхийн сонгодгуудын хэсгээс тоглох ажээ. Энэ тоглолт бүхэлдээ сонгодог урлагийн хувьсалыг танд мэдрүүлж, нэгэн тайзнаа бүх урлагийн цогцыг хүргэхээрээ онцлогтой юм байна.Тоглолт хоёр хэсгээс бүрдэх бөгөөд эхний хэсэгт сонгодог урлагийн балет бүжнэ. Энэ хэсэгт гадны алдартай бүжигчид урилгаар оролцох юм байна. Тухайлбал, тус театрын найруулагч, багш Д.Дашлхагвын шавь болох Сөүлийн театрын бүжигчин Цолмон Солонгос улсын хамгийн шилдэгт тооцогдох бүжигчинтэй хамтран оролцох ажээ. Харин 2 дугаар хэсэгт модерн бүжиг буюу орчин үеийн бүжиг олны хүртээлд хүрнэ.
Ийнхүү гадаадын жишгийг эх орондоо нэвтрүүлж, хөгжүүлэх, урлагийн чанарыг өндөр болгох, уран бүтээлч, үзэгчдийн хариуцлагыг нэмэгдүүлэх өргөн санаа агуулж байгаа тус театрын хамт олон Монголд өмнө нь тоглогдож байгаагүй гүйцэтгэл өндөр “Royal” тоглолтоо дэлхийн түвшинд танд толилуулахаар бэлтгэж байна. Ингээд “Royal” тоглолт 4 дүгээр сарын 3-нд 19 цагаас Дуурь Бүжгийн Эрдмийн Театрын тайзнаа ганцхан удаа болно. Эрхэм таныг сонгодог, модерн бүжгийн үдэшт саатахыг урьж байна. Тасалбарын үнэ суудлын зэрэглэлээсээ хамааран 50, 80, 100 гэсэн үнэтэй бөгөөд Дуурийн театрын кассаар худалдан авах боломжтой.
www.URLAG.mn
