“Найрын ширээний ууц” жүжгийг 1981 онд Найруулагч И.Доржсамбуугийн найруулснаар анх тоглогдож байжээ. Түүнээс хойш уг жүжиг тасралтг үй 10 жил тоглогдсон ч танхим дүүрэн үзэгчтэй байсан гэх тодотголыг зүүдэг юм. Монголын шилдэг инээдмийн жүжиг юм. Тухайн үедээ театрын орлогын ихэнхийг бүрдүүлж байсан гэдэг. Төрийн шагналт зохиолч Д.Мягмарын “Найрын ширээний ууц” жүжгийг анхны бүрэлдэхүүнээр нь УДЭТ-ын тайзнаа 32 жилийн дараа тоглолоо. Ардын жүжигчин Г.Мягмарнаран уг жүжгийг сэргээн тоглох санаачилга гаргаж, уран бүтээлийн цэнг үүнийхээ нэг хэсэг болгон үзэгчдэд хүргэсэн юм. Тус жүжиг үзэгчдийн хүсэлтээр дахин тоглогдсоноор амнаас ам дамжин алдаршиж, эх орныхоо өнцөг булан бүрт хүрсэн түүхтэй. Нэрт найруулагч И.Доржсамбуу агсны дипломын ажил болох энэ жүжгийг тоглосноос хойш уран бүтээлчид эх орныхоо 18 аймаг, 300-гаад суманд аялан тогложээ. “Найрын ширээний ууц” жүжгийг энэ удаад театрын ахмад жүжигчид залуу уран бүтээлчидтэй хамтран тоглосон юм.
“Найрын ширээний ууц” жүжгийн зургийг энд дарж үзнэ үү.