Монголын залуучуудын холбооноос санаачлан ССАЖЯам, МЗЭ, Төрийн хэлний зөвлөл нарын дэмжлэгтэйгээр 15 дахь жилдээ зохион байгуулсан “Цагаан Уул” яруу найргийн наадам өнөөдөр “Улаанбаатар” чуулгын тайзнаа болж шилдггүдээ тодрууллаа. Энэ удаагийн наадамд хот, хөдөөгийн 48 яруу найрагч шүлгээ сойсон юм. Наадмын ерөнхий шүүгчээр Д.Нацагдоржийн нэрэмжит шагналт яруу найрагч А.Эрдэнэ-Очир, шүүгчдээр “Болор цом”-ын эзэн яруу найрагч Ж.Баяржаргал, Н.Гантулга, МЗЭ-ийн шагналт ахмад яруу найрагч О.Содномпил болон залуу яруу найрагч С.Начин нар ажилласан юм.
Ийнхүү энэ удаагийн “Цагаан Уул” хайрын шүлгийн наадмын “Хайрын дууны шүлэг”-ийн төрөлд Г.Сэр-Одын нэрэмжит шагналт яруу найрагч Б.Ганхүрэл түрүүлж, МЗЭ-ийн гишүүн яруу найрагч Н.Минжинсайхан удаалсан юм. Яруу найргийн наадмын үзэгчдийн сэтгэл догдлуулсан мөч ирж наадмын шагналт байранд шалгарсан найрагчдын нэрсийг зарлахад тусгай байрыг яруу найрагч Г.Баяр, Б.Ганхүрэл хүртэж, гутгаар байрыг яруу найрагч Э.Энхболд, хоёрдугаар байрыг Н.Минжинсайхан нар хүртсэн бол “Цагаан Уул” хайрын шүлгийн наадмын тэргүүн байрыг залуу яруу найрагч Э.Бүжинлхам хүртсэнээр энэ удаагийн наадам амжилттай болж өнгөрлөө.
Та бүхнийг урлагийн тэнгэр ивээг…
www.URLAG.mn
