Америкийн реалити-шоуны од Ким Кардашьян рэп дуучин Канье Уэстээс жирэмсэн болсон. Тэрээр жирэмсэн болсон ч өндөр өсгийтөөсөө буулгүй олны анхааралд өртөж ихээхэн шүүмжлэлд өртөөд байсан ч тоохгүй явсаар гэдэс томорч, улмаар жирэмсний асуудлуудтай тулгарч эхэлсэн байна. Жей Леногийн шоу нэвтрүүлгийн үеэр Ким Кардашьян ярихдаа Лос-Анжелес руу зургаан цагийн турш нисэх хэцүү байсныг дурсжээ.“Онгоцны тийзээ аваад би ингэж бодсон “Өө бурхан минь, цонхон талд суух нь ээ. Байнга 00 гүйхэд хэцүү юм болох нь ээ. Миний хажууд суух хүн сайхан ааштай, халамжтай хүн байгаасай. Тэгэхгүй бол би хурхирч байхад нь хөл дээгүүр нь давж 00-рүү явах гэж байн байн сэрээгээд эвгүй явдал болох нь” гэж Ким Кардашьян ярьсан байна. Тэрээр саяхан өөрийн инстаграмд "Baby love" хэмээн нэрлэсэн жирэмснийхээ зургийг оруулжээ. 32 настай реалити-шоуны од бүсгүй одоо 6 сартай жирэмсэн бөгөөд 68 кг жинтэй байгаа гэнэ. Ингээд та бүхэндээ "Baby love" зургийг нь хүргэе.
www.URLAG.mn
