"Ice top” хамтлагийн реппер Хаагий нойр булчирхайн хорт хавдар туссаны улмаас биеийн байдал нь тун хүнд байгаа ажээ. Түүнийг Японд улсад яаралтай хагалгаанд оруулахад 200 орчим сая төгрөг шаардлагатай байгаа гэнэ. Тиймээс урлагийнхан дуучин залуугийн эмчилгээнд зориулсан хандивын тоглолтыг дөрвөн өдөр дараалан хийж байна."Халуун сэтгэл” тоглолт дөрөвдүгээр сарын 6-нд Рок попын одод, 7-нд Нийтийн дууны одод, 8-нд Хошин урлагийн одод, 9-нд Хип хоп одод тоглолтоо тавихар хандивийн тоглолтонд нэгдсэн юм.
Тасалбарын үнэ 10000 төгрөгөөр худалдаалагдаж байгаа. Дөрөвдүгээр сарын 6-нд “UB Palace”-д болсон “Чингис хаан”, “Харанга”-ынхан тэргүүтэй рок, попынхны тоглолтод үзэгчид багагүй цуглажээ. Харин 8-нд болох Гавьяат жүжигчин С.Жавхлан нарын зохиолын дууныхан тоглолт хийхээр болоход үзэгчид бараг цуглаагүй учир цуцалсан байна.
Харанга хамтлагийн ахлагч Ц. Чулуунбат "Монголчууд ядарсан нэгэндээ тусалдаг. Бид өөрсдийнхөө төлөө энд цуглаагүй. Хүмүүс ирээгүйд маш их харамсалтай байна. Цэл залуухан залууд амьдрал бэлэглэхэд хүмүүс өчүүхэн ч гэсэн чин сэтгэлийн дэм үзүүлээсэй л гэж хүссэн юм" гэв.
Авьяаслаг энэ залууд амьдрал хайрлахад таны өгөөмөр сэтгэл тусална. Өнөөдөр, маргааш болох тоглолтыг хүмүүсээ зорьж очиж үзээрэй.
Хаагийд туслах хандивийн данс ХААН-5034146252, Голомт-1805030800
Холбоо барих утасны дугаар 97119090,86009090. Мөн 151015 дугаар руу Хаагийд сэтгэлийн үгээ илгээгээрэй.
www.URLAG.mn
