Электроник, инди рок урсгалаар тоглодог Английн алдарт “Is Tropical” хамтлаг дөрөвдүгээр сарын 22-25-ны хооронд Монголд ирэх нь ээ.Тэд дөрөвдүгээр сарын 24-нд 20.00 цагт “iLoft function house”-т тоглолтоо хийхээр болжээ. “Is Tropical” хамтлагийнхан Монголд видео бичлэг хийхээр ирж буй бөгөөд энэ хүрээнд Дархан хотын залууст мөн тоглолтоо хүргэх юм байна. “Is Tropical” хамтлаг 2009 онд Английн Лондон хотноо Simon Milner, Gary Barber, Dominic нарын бүрэлдэхүүнтэй байгуулагдсан бөгөөд 2010 оны нэгдүгээр сард гаргасан "When O’ When" синглээрээ олон нийтэд танигдсан. 2013 оны нэгдүгээр сард “Flags” нэртэй хураангуй цомгоо “Visions”, “Drugzndreamz”, “Goodbye Leopold”, “Owen Pratt “зэрэг уран бүтээлчидтэй хамтран гаргасан байна. Хамгийн сүүлчийн үеийн мэдээлэл гэхэд, “Is Tropical” хамтлаг хоёр дахь бүрэн хэмжээний цомгийн нээлтээ “I’m Leaving” нэртэйгээр продюсер Luke Smith болон “Kitsune” студитэй хамтран 2013 оны тавдугаар сарын 20-нд хийхээр төлөвлөж байгаа аж.
www.URLAG.mn
