Монголын үндэсний кино урлагийн академийн дээд шагнал “ACADEMY AWARDS” хэмээх кино наадам гурав дахь жилдээ буюу 2013 оны 05 дугаар сарын 15-аас 18-ны өдрүүдэд зохиогдохоор товоо зарлаад байгаа билээ.
Улс үндэстнийхээ кино урлагийг хөгжүүлэх, дэлхийн тавцанд гаргах, нийгэмд соёл урлагаар үйлчлэх, гоо зүйн боловсролыг олгох, киноны чиг хандлагыг зөв тодорхойлох, болон уран бүтээлчдийг дэмжин урамшуулах, чанаржуулах зорилгоор зохион байгуулагддаг “ACADEMY AWARDS – 2013” кино наадам энэ жил 18-н төрлөөр нэр дэвшигчдийн бүтээлийг бүртгэж эхэлсэн юм.
Кино наадмын бүртгэл МЗХ-ны хурлын танхимд: 2013 оны 04 сарын 01-нээс 05 сарын 10-ны хооронд үргэлжлэх бөгөөд дэлгэрэнгүй мэдээллийг 8802-7001, 9522-1118 утсаар лавлан уу.
Энэ жилийн “Academy awards Mongolia -2013” дараах номинациудаар шилдгүүдээ шалгаруулна. Үүнд:
- Шилдэг кино – Best Picture
- Шилдэг эрэгтэй дүр – Leading role actor
- Шилдэг туслах эрэгтэй дүр – Supporting role actor
- Шилдэг эмэгтэй дүр – Leading role actress
- Шилдэг туслах эмэгтэй дүр – Supporting role actress
- Шилдэг найруулагч – Directing
- Шилдэг зураглаач – Cinematography
- Шилдэг зураач – Art direction
- Шилдэг хөгжим – Music original score
- Шилдэг дуу – Music original song
- Шилдэг монтаж – Editing
- Шилдэг дууны найруулагч-Sound editing
- Шилдэг зохиол – Writing screenplay
- Шилдэг дүрсний эффект – Visual effects
- Шилдэг нүүр будалт – Make up
- Шилдэг баримтат кино – Documantary /feature/
- Шилдэг хөрөнгө оруулагч – Best investor
- Шилдэг богино хэмжээний кино – Short film
Сонирхуулахад “Short film” богино хэмжээний киноны номинаци тус наадамд нэмэгдсэнээр киноны уран бүтээлчид, сонирхогчид, оюутнууд оролцож, бүтээлээ үнэлүүлж, олны хүртээл болгох боломж нээгдэж байгаа юм.
Монголын Үндэсний Кино Урлагийн Академи
