"Suzanne Collins"-ын адил нэрт романаас сэдэвлэн бүтээсэн "The Hunger Game" кино өнгөрөгч 2012 онд үзэгчдэд хүрсэн билээ. Уг киног франчайз болгон хөгжүүлэхээр Lionsgate-ынхэн ажиллаж байгаа. "Lionsgate" өнгөрөгч оны эхний улиралд "Summit Entertainment"-ыг өөрийн болгосон. Улмаар тэдний туршлагыг өөртөө нэгтгэн Twilight франчайзтай дүйцэхүйц амжилттай франчайзтай болно гэж үзээд байгаа. Тиймээс ч "The Hunger Game" киноныхаа дараагийн анги болох "The Hunger Games: Catching Fire" төсөлруу яаравчлан орсон юм. Уншигчдаас өндөр үнэлгээ авсан "The Hunger Game" гурамсан романы 2 дахь романаас сэдэвлэн бүтээж буй "The Hunger Games: Catching Fire" киноны анхны teaser trailer саяхан гарлаа. Энэ удаагийн ангийг "Water for Elephants" киноны найруулагчаар ажиллаж байсан "Francis Lawrence" ажиллаж байгаа юм. Кино 2013 оны 11-р сарын 22-нд дэлгэцнээ гарна.
www.URLAG.mn
