Соёл, спорт, аялал жуулчлалын яам, УДЭТ-аас нийт уран бүтээлчдийн дунд зарласан “Орчин үеийн жүжгийн зохиол"-ын уралдааны дүн гарч, шалгарсан бүтээлийн зохиолчдод шагналыг нь гардууллаа. Энэхүү уралдаанд нийт 94 бүтээл ирсэнээс МУИС-ийн математикийн багш Г.Анхбаярын “Зургаа” жүжиг тэргүүн байр хүртэж, арван сая төгрөгөөр шагнуулсан бол УДЭТ-ын захиралын туслах Д.Мэндсайханы “Би хэн бэ?”, С.Баярсайханы “Дээд хэмжээ” зохиолууд удаалж, Г.Анхбаяр, Д.Түмэн-Өлзий нарын хамтран бичсэн “Дүүжлүүрийн эзэн”, П.Батхуягийн “Би Пушкин биш ээ. Харин …”, Т.Бум-Эрдэний “Нүд” жүжгийн зохиолууд тусгай байранд шалгарчээ. Арван таван хүний шүүгчийн бүрэлдэхүүн ажиллахдаа уралдаанд ирүүлсэн бүтээлүүдийг дугаарлаж, зохиолчдын болон зохиолын нэрийг бичилгүйгээр уншиж шалгаруулсан гэнэ.
www.URLAG.mn
