Соёл спорт аялал жуулчлалын яамны санаачилгаар Үндэсний дуу бүжгийн эрдмийн чуулгын уран бүтээлчид “Монгол урлагийн гайхамшиг” нэртэй аялан тоглолтоо энэ сарын 20-оос ирэх сарын 5-ны өдрүүдэд хийхээр төлөвлөөд байгаа ажээ. Аялан тоглолтоо нар зөв эргэн Хэнтий, Дорнод, Сүхбаатар аймгуудад хийх бөгөөд тоглолт хийх багийн бүрэлдэхүүнд Үндэсний хөгжмийн их найрлын 30 хөгжимчин, мөн тооны бүжигчин, болон МУАЖ дуучин Д.Самбуу, МУАЖ, морин хуурч Ч.Батсайхан, МУГЖ дуучин Ш.Даваахүү, МУГЖ дуучин Н.Амгалан, МУГЖ дуучин Б.Сийлэгмаа, МУГЖ бүжигчин А.Даваахүү, МУУГЗ удирдаач А.Цэдэн-Иш зэрэг Ардын болон гавъяат цолтонгууд оролцсон 85 уран бүтээлч багтсан байна. Энэ нь Монгол Улсын хувьд хамгийн анхны олон хүний бүрэлдэхүүнтэй аялан тоглолт болж байгаа юм. Тэд “Монгол урлагийн гайхамшиг” тоглолтоос гадна орон нутгийн хүүхэд багачууддаа зориулан “Ишиг хөөрхөн нэр” дуулалт бүжгэн жүжгийг тольлуулахаар зэхжээ. Энэ талаараа ҮДБЭЧ-ын уран бүтээлчид маргааш 11.00 цагт өөрийн байрандаа мэдээлэл хийж, тоглолтынхоо дээжээс сонирхуулах гэнэ.
www.URLAG.mn
