Холливудын жүжигчин Анжелина Жолигийн 2001 онд 26 настай байхдаа авахуулсан нэгэн зургийг дуудлага худалдаагаар зарахаар болжээ. Зураг дээр Жоли цээж нүцгэлж, бор морьтой хамт байгааг дүрсэлсэн юм. Гэрэл зурагчин Дэвид Лашапель энэхүү бүтээлээ дор хаяж 53 мянган ам.доллар хүрэх ёстой гэж үзэж буй юм байна. Жолигийн зүүн гар дээр “Билли Боб” хэмээх шивээс байгаа нь хуучин нөхөр Билли Боб Торнтонд зориулсан юм. Гэлээ ч хожим Анжелина Жоли Брэд Питттэй найзалж эхэлмэгцээ энэхүү шивээсийг арилгасан.Үүнээс гадна 2005 онд Анжелина Жоли Брэд Питт нарын ширээн ард хамт суун авахуулсан хар цагаан зургийг дор хаяж 15 мянган ам.доллараар зарахаар мөн дуудлага худалдаанд оруулах гэж байгаа юм байна.
