Кино урлагийн гайхамшгийг үзэгчдэд мэдрүүлсэн 3D тун удахгүй халаагаа өгөх нь. Японы Нагоя хотод энэ сарын 26-нд 4D кино театрт нээлтээ хийх гэж байна.Уг кино театр танд үзэж буй киногоо бүхий л мэдрэхүйгээрээ мэдрэх боломж олгох гэнэ. Тодруулбал, таны суудал хөдөлж, кинонд гарч буй зүйлсийн үнэр үнэртэж, салхи салхилж та яг л киноныхоо нэг хэсэг болсон юм шиг санагдах гэнэ.Суудлын хөдөлгөөн нь бүрэн программчлагдсан тул кинонд гарч буй зүйлстэй уялдаатайгаар хөдлөх гэнэ. Мөн суудлын урд талаас таны рүү салхи үлээж, далайн давалгааны чимээ сонсогдож, усны үнэр үнэртээд бороо ороход таны дээрээс бороон дуслууд унаж байгаа юм шиг мэдрэмж төрүүлнэ.
Энэхүү шинэ театр “Төмөр хүн 3” киногоор нээлтээ хийх аж.
www.URLAG.mn
