Монголын үндэсний кино урлагийн академиас жил бүр кино урлагийн шилдгүүдийг тодруулдаг “ACADEMY AWARDS” кино наадам гурав дахь жилдээ буюу 2013 оны 05 дугаар сарын 15-18-ны өдрүүдэд зохиогдох билээ. Уг наадмын хүрээ жил ирэх тусам өргөжин тэлсээр байгаа бөгөөд олон арван байгууллагууд дэмжин оролцсоор байгаа юм. Эдгээр байгууллагуудын нэг “Монголын коктейль барменуудын холбоо”-оос санаачлан “ACADEMY AWARDS-2013” кино наадмын нэрийн коктейлийг гаргаж буй ажээ.
“Монголын коктейль барменуудын холбоо”-нь монгол улсдаа төдийгүй дэлхийн олон оронд зохион байгуулагддаг томоохон арга хэмжээнүүдийн нэрийн коктейлийг үйлдвэрлэж тухайн арга хэмжээний үеэр зочдод барьдаг онцлогтой.
Ийнхүү “ACADEMY AWARDS-2013” кино наадмын нэрийн коктейлийн амталгаат танилцуулгыг ирэх 05 сард болох ёслол хүндэтгэлийн арга хэмжээний үеэр зохион байгуулах ажээ.
www.URLAG.mn
