Энэ удаагийн “Mobile news”-ээр Монголын ард түмэндээ нийтийн дууны гүнж хэмээгдэн хайрлан хүндлэгдэж явдаг МУГЖ Т.Баясгалантай холбогдож “Дуучин Т.Баясгалан хэзээ нууц хүүгээ ил гаргах вэ?” гэсэн мэдээллийн тодруулгы гавсан юм. Таны талаар зарим нэг хэвлэл мэдээлэлийн хэрэгсэлээр “Хөдөө нууц хүүхэдтэй ”хэмээн цуурхал тараагдсан талаарх мэдээлэлд та хариулт өгнө үү
МУГЖ Т.Баясгалан: Юуны түрүүнд олон жилийн өмнөөс цацагдаж эхэлсэн дээрхи мэдээлэл сүүлийн жилүүдэд илүү ихээр миний нэр төрд халдах болсоныг хэлмээр байна. Дээрхи мэдээлэл нь ямар ч ор үндэслэлгүй гэдгийг би албан ёсоор мэдэгдэж байна. Би СУИС–ийн оюутан цагаасаа эхлэн уран бүтээлээ туурвиж, дуулж эхлэж байх үедээ төрсөн ганц дүүгээ дагуулаад явах үед харсан хүн л ийм мэдээлэл цацсанаас энэ цуурхал тархсан гэж бодож байна. Өнөөдрийг хүртэл би ч залруулга
хийгээгүй явсан. Эмэгтэй хүн, эх хүн тэр тусмаа Монгол эхчүүд яаж ч ядарч зүдэрсэн, төрүүлсэн үрээ хаядаг тохиолдол бараг байдаггүй гэж би боддог. Миний хувьд хүмүүжилтэй, ёс суртахуунтай, айлын хүүхдийн хүмүүжлээр өсөж торнисон болохоор тийм хүн чанаргүй зүйл хэзээ ч хийхгүй.
Би монголын ард түмний хайр хүндлэлийг хүлээсэн МУГТ, Кёкүшюзан Д.Батбаяртай ханилан суугаад 2 сайхан хүүхэд төрүүлээд хамтдаа халуун ам бүлээрээ бусдын адил амьдарч байна.
Миний талаар худал мэдээлэл цацсан бүх хүмүүст хандаж хэлэхэд, тэр хаягдсан нууцгээд байгаа хүүхдийг ил гаргаад надад аваад ирсэн хүнд би өөрт байгаа бүх зүйлээ өгөхөд ч бэлэн байна.” хэмээлээ.
Ийнхүү олон жилийн турш цацагдсан дээрхи мэдээллийн албан ёсны хариулт болсон тодруулга мэдээг манай сайтын хамт олон та бүхэндээ хүргэлээ.
“Mobile news”-ийг бэлтгэсэн: Э.Цэнд-Аюуш
www.URLAG.mn
