Солонгос улсын урлагийг дэлхийд таниулж яваа нэрт дуучин PSY-ийн шинэ дуу болох Жентлэмэн дууны клипийг өөрийн телевизийн сувгаараа нийтэд үзүүлэх боломжгүй гэсэн шийдвэрийг KBS телевиз гаргалаа. Уг клипэнд нийтийн өмч болсон замын таних тэмдэгийг хөлөөрөө өшиглөн эвдлэх , бяцхан охидуудтай хөл бөмбөг тоглож байхдаа насанд хүрэгчдэд зориулсан хөдөлгөөн хийх , бага насны хүүхэд залуучуудад буруу үлгэр дууриал үзүүлсэн олон тооны дүрс, хагас шалдан бүсгүйчүүд , согтууруулах ундаа, тамхи гээд зүйлүүд байгаа бөгөөд үүнийг Солонгос улсын нүүр царай болсон өдөр тутмын үндэсний телевизээр үзүүлэх боломжгүй гэсэн шийдвэрийг гаргасан гэжээ.Харин SBS телевиз , уг видео клип нь 12 ба түүнээс дээш насныханд гэсэн тэмдэгтэйгээр телевизийн эфирт цацагдах ба зөвхөн видео клипэн дээрх дээрх KBS телевизийн шүүмжилж буй хэсгүүдийг хасч , 1 минут 19 секундийн видео болгосон тохиолдолд телевизийнхээ эфирээр цацна гэжээ. Солонгос улсыг дэлхийд таниулж байгаа явдалд энэхүү шийдвэр хэр их нөлөөлөх вэ гэсэн сэтгүүлчдийн асуултанд , эх орныхоо иргэдийн бүтээн байгуулсан нийтийн эд хогшлыг сүйтгэн, архи , тамхи хэрэглэн , нүцгэн бүсгүйчүүд ихээр оролцуулсан видео клипээрээ эх орноо дэлхийд таниулах нь өрөөсгөл , үүнийг бага дээр нь засч залруулах хэрэгтэй гэж KBS , SBS телевизийнхний зүгээс мэдэгдээд байна.
www.URLAG.mn
