Дэлхийн хамгийн нөлөө бүхий 100 хүнийг тодруулдаг "TIME 100" шалгаруулалтын дүн гарч, 2013 оны алдартнууд тодорчээ. Улс төр, бизнес, урлаг, спорт гээд нийгмийн бүхий л салбарын 100 шилдэг алдартныг дэлхийд нэр хүндтэй "Time" сэтгүүл жил бүр шалгаруулдаг. Энэ оны шалгаруулалтын дүн гарч, дэлхий нийтэд хамгийн нөлөө бүхий 100 хүний нэр тодорчээ. Энэхүү жагсаалтын зонхилох хувийг кино урлаг, хөгжмийн ертөнцийнхөн эзлэх нь бий. Тэднээс хамгийн дээгүүр байранд буюу жагсаалтын долдугаарт алдарт Psy орсон байна. Үнэхээр ч түүний "Gangnam Style" өнгөрсөн зуны турш дэлхий нийтийг байлдан дагуулж, Америк, Хятад, Япон, Солонгосгүй "Psy"-дсан нь "Time 100"*-гийн ТОП-10-т бичигдэхэд хүргэжээ. Түүнд нийт 28 448 хүн санал өгсөн байх юм. Psy-гийн дараа алдарт жүжигчин Жеки Чан 21 509 хүний санал авснаар урлаг, соёлынхныхоо хувьд дэд байрт орсон байна. Харин түүний "Time 100" жагсаалтын байр нь 11. Ингэснээр энэ хоёр Ази залуу Америкийн нэгдсэн улсын ерөнхийлөгч Барак Обамагийн өмнө бичигдсэн байв.
Кино урлагийнхнаас Оскарын шагналт залуу жүжигчин Женнифер Лауренс жагсаалтын 14 дүгээрт 18 909 хүний саналаар орсон байна. Харин алдарт дуучин Бейонсе 16, Оскарын шагналт найруулагч Бен Аффлек 18 дугаарт тус тус жагсчээ. Бейонсегийн хувьд нөхөр Jay Z-тэйгээ хамт Ерөнхийлөгч Барак Обама, Мишель Обама нарын нэгэн адил "Time" сэтгүүлийн хамгийн хүчирхэг хосоор шалгарсан юм.
www.URLAG.mn
