Хөл хүндтэй Ким Кардашьяны гэр бүлийг цуцлах хурал болж, түүний нөхөр сагсанбөмбөгч Крис Хамфрис хүссэн 7 сая ам.доллараа авч чадалгүй саллаа. Ингэснээр Ким Кардашьян хэвлийдээ бүрэлдэж буй үрийнхээ эцэг, рэп дуучин Канье Уэсттэй гэрлэх боломжтой болсноос гадна сагсанбөмбөгч эрд нэг ч зоос өгөлгүй, тун амжилттай салжээ. Крис Хамфрис гэрлэлтээ жүжиг төдий, зөвхөн мөнгө олох л зорилготой алхам байсан хэмээн мэдэгдэж, хамтдаа “босгосон” мөнгөнөөсөө 7 сая ам.долларыг авахыг хүсч буйгаа шүүхэд хандан мэдэгджээ. Гэвч шүүхээс ердөө 72 хоног хамтдаа амьдарсан Крис Хамфрист нэг ч цент өгөхгүй байхаар шийдсэн байна.
www.URLAG.mn
