Балбын “Интертайнмент” компаниас жил бүр Катманду хотод зохион байгуулдаг "Мисс Монгол" тэмцээн болж өнгөрлөө. Уг тэмцээн нь дэлхий нийтээр тархан суугаа монгол гаралтай охидын ур чадвар авьяасыг нээхийн зэрэгцээ Монгол туургатнуудыг нэгтгэх зорилготой юм.Тав дахь жилдээ зохион байгуулагдаж буй "Мисс Монгол" тэмцээний шилдгүүд энэ сарын 6-нд шалгарлаа. Энэ жилийн тэмцээнд Балбын 28 Монгол охид оролцож, монгол хүний авьяас чадвар, гоо үзэсгэлэнгээрээ өрсөлдсөн юм. Эдгээр охидоос Мускан Лимбуу тэргүүн байрт шалгарч,Улаанбаатар хотод ирэх урилгаар эрхээр шагнагдсан байна. Түүнчлэн "Дэлхийн Монгол" гарал үүсэлтэнгүүдийн төвөөс тэмцээнд оролцсон мисс охидод Чингис хааны 850 жилийн ойн маркийг тусгайлан жаазлуулж, Дэлхийн Монголчууд гэдэг номыг дурсгалын зүйлийн хамт бэлэглэсэн юм. Балбын Монголчуудад болон тус тэмцээний зохион байгуулагч, оролцож буй охидод УИХ-ын гишүүн С.Ганбаатар баяр хүргэж, сэтгэлийн үгээ илгээсэн байна. Түүнчлэн ирэх жилийн тэмцээнд Энэтхэгийн Монгол охид, Монголын Монгол охидыг оролцуулж өргөн цар хүрээтн дор зохион байгуулахаар төлөвлөжээ.
www.URLAG.mn
