“Reflections II” хувцас загварын тоглолтыг “Bess tailor” хувцас загварын урлан, “Muse Art House” төв, урлаг гоозүйн “Гоодаль” сэтгүүлтэй хамтран энэ сарын 25-нд зохион байгуулахаар болсон. Загварын тоглолтод “Bess Tailor”-ын дизайнер Б.Биндэрьяа, “Muse Art House”-ын дизайнер Г.Цас нар 2013 оны шинэ загвар бүхий бүтээлүүдийг УДЭТ-ын ерөнхий найруулагч Г.Наранбаатарын тавилтаар үзэгчдэд толилуулах юм байна.
Дашрамд хэлэхэд мөнхийн залуу хэмээх тодотголтой топ модель Э.Одгэрэл Reflections II шоуны нэгэн чимэг байх бөгөөд өөрийн өнгө төрхөөрөө гэрэлтүүлэх болно. Үе үеийн урдаа барьдаг шилдэг моделиудаар өнгөлж байгаа энэхүү загварын шоуны тэргүүн фронтод эрхэмсэг топ маань зүй ёсоор багтлаа. Оролцож байгаа моделиудын чадвар чансаа болон цар хүрээгээрээ нэлээд дээгүүрт бичигдэх энэхүү шоу содон сонин үзүүлбэр, мэргэжлийн алхаа, өндөр зэрэглэлийн зохион байгуулалтаараа урьд хожид давтагдаагүй сюрприз байж чадна. Та тэднийг нэгэн тайзнаас харахыг хүсвэл "Reflections II"-т хүрэлцэн ирж сонирхоорой.
www.URLAG.mn
