04 сарын 18-ны орой "Blue Moon art gallery"-д болсон "Урлагийн Үдэшлэг" – ийн үеэр уран бүтээлчид болон урлаг сонирхогчид, урлагт хайртай ноёд хатагтай нар цуглан нэгэн оройг өнгөрүүлсэн. Мэргэжлийн зураачид ирж зочидын хөрөг зургийг зурж мөн каллиграпаар зочидын нэрийг бичиж өгсөн нь зочидод өндөр сэтгэгдэл төрүүлсэн байна. Мөн үдэшлэгийн үеэр сонирхолтой тэмцээн явуулсны нэг нь зураачдын дунд нөгөө нь урлаг сонирхогчдын дундах тэмцээн байсан юм. Зураачдын дундах тэмцээн нь дэлхийн алдарт зураач Давинчигиин "Мона Лиза"- г зураачид өөрийнхөөрөө төсөөлж маш өвөрмөц шийдэлтэй болгон зурах явдал байлаа. Дөрвөн зураачийн нэгийг ирсэн зочид шалгаруулж, зураачдын гарын үсэг бүхий "Мона лиза"-г зурсан дурсгалт зургуудыг ирсэн зочиддоо бэлгэлэсэн. Харин урлаг сонирхогчдийн дундах тэмцээн нь урлагийн тухай асуулт хариултын тэмцээн байлаа.
Уг үдэшлэгийн үеэр Монголын Мастер зураач Л.Ганболдын "Колизей 2013" нэртэй уран бүтээлийн бие даасан үзэсгэлэн дэлгэгдсэн байв. Ерөнхий зохион байгуулагч "Blue Moon art gallery" болон UBS music-ын хамтран зохион байгуулсан "Урлагийн Үдэшлэгт ирсэн зочид сэтгэл хангалуун баигаагаа илэрхийлээд, цаашдаа сар бүр Урлагийн олон сайхан үдэшлэг, олон нийтийн арга хэмжээг зохиохоор төлөвлөж байгаа" гэж галлерэйн хамт олон өгүүлсэн байна.
www.URLAG.mn
