Уран бүтээлч Ш.Ядамсүрэн нь усан будгийн талаархи монголчуудын уламжлалт ойлголтыг эвдэж шинэлэг бүтээлүүд туурвих боломжийг эрэлхийлсээр ирсэн. Энэхүү хүсэл мөрөөдлийнх нь тусгал болсон түүний усан будгийн ажлууд нь өнөөдөр буюу тавдугаар сарын 1-ны үзэсгэлэнд тавигдах гэж байна.Түүний ажлуудаас үзэгчид орчин үеийн хэмнэл, эрч хүчээр дүүрэн дүрслэн буулгасан өөрсдийнх нь танил болсон газруудыг үзэсгэлэнгээс харж болохоос гадна уран бүтээлчийн өөрийнх нь мөрөөдлийн ертөнц, дотоод мөн чанарыг олж мэдэх боломжтой аж.
Тэрбээр Английн Chelsea Art and Design College-ийг мастерийн зэрэгтэй дүүргэж тэрээр Лондонд олон жил амьдарч байхдаа Madam Tussauds-ын музейд хэсэг ажиллаж, Битлз, Чингис хаан зэрэг түүхэн хүмүүсийг лааны тосоор бүтээж, мөн алдарт дуучин Мэрай Керригийн дүрс бүхий Ј5000-ын үнэтэй чихрэн баримлыг дуучны 35 насны ойд нь зориулан бүтээж байсан түүхтэй.
Түүнчлэн кулинарын чимэглэлийн бүтээлээр Salon Culinaire International De Londres-ын дээд шагналуудыг 2002, 2004, 2006 онуудад авч байсан ураан бүтээлч юм.Үзэсгэлэн тавдугаар сарын 1-нээс зургаадугаар сар хүртэл МАХ МАLL-д байрлах 976 Арт галерейд үзэгч олны хүртээл болох юм байна.
www.URLAG.mn
