Алдарт зохиолч Уоллем Шекспирийн “Ромео Жульетта”-ийн түүхийг мэдэхгүй хүн ховорхон. Энэ гайхалтай түүхээр Азид анх удаа Монгол улсын Ерөнхийлөгчийн ивээл дор Францын хөгжмийн нэрт төлөөлөгч ,хөгжмийн найруулагч Жэрард Прэсгурвичийн хөгжмийн найруулгаар тавигдсан “Ромео Жульетта” сонгодог мюзикл жүжгийг эх орныхоо хөрс шороон дээр бүрэн эхээр нь буулган та бидний сэтгэлийг догдлуулж, хүсэл тэмүүлэлийг бадрааж, урам зориг, эрч хүч, авъяас билэгийг мэдрүүлэхэд болжээ.
“Ромео Жульетта”-г бүтээлийг төгс хэлбэрээр нь үзэгч түмэндээ хүртээхийн тулд урлаг соёлын нэр хүндтэй уран бүтээлчид болох МУГЖ Б.Сарантуяа, “Классик Жем” хамтлаг, “A- Capella” хамтлаг болон ДБЭТ-ын жүжигчин Н.Нармандах зэрэг уран бүтээлчид гол дүрд нь тоглох юм. Мөн тайз, хөгжим, гэрэлтүүлэг зэргийг Монголын бүх хөгжмийн компаниуд хамтран хийхээр болжээ. Харин Францын тал дуунуудыг монгол хэл дээр дуулах бэлтгэлийн ажил болон техникийн бүх ажлыг бүрэн хариуцах юм. “Ромео Жульетта” сонгодог мюзикл жүжиг нь дуучид болон жүжигчдын хамтарсан хамгийн анхны уран бүтээл болж байгаагаар онцлогтой. Тиймээс ч Азийн бусад улс орноос ирж үзэх хүсэлтэй үзэгчид ч олон байна.
Эрхэм уншигч та хайр дурлалын ханашгүй жаргал, гуниг харуусал, эрх мэдэл, өс хөнзөн, баяр бахдалыг мэдрэхийг хүсвэл “Ромео Жульетта” сонгодог мюзикл жүжгийн улаан хивсний ёслолын үйл ажиллагаанд өөрийн хамгийн эрхэм нандин хүнтэйгээ хүрэлцэн ирж хайр дурлалын ертөнцөөр хамтдаа аялаарай.
“Ромео Жульетта” мюзикл маргааш 18:30 минутаас “UB Palace”-т ганцхан удаа тоглох бөгөөд тасалбарын үнэ хосоороо 100 ам.доллар. Дэлгэрэнгүй мэдээллийг доорх утсаар лавлана уу?
976-99997902
976-/11-326046/
