Монголын рок поп урлагийн түүхэн товчоонд бүтэн 20 гаруй жилийнхээ намтарыг яруу тодоор бичиж яваа “Харанга” хамтлагийн гитарчин Я.Одсүрэн тавдугаар сарын 17, 18-нд UB Palace-ийн концертын их танхимд “Оогий Харангатайгаа, гитартайгаа, найзуудтайгаа” тоглолтоо хийхээр товоо зарлаад байгаа билээ. Уг тоглолтын тасалбар өчигдөрөөс эхэлж худалдаанд гаржээ.
Тоглолтын тасалбар 25, 30 мянга төгрөгийн үнэтэй бөгөөд “UB Palace” болон “Hi-Fi CD shop”-ийн касс, мөн 1109, 1950, 1617 дугааруудаар үнэгүй хүргэх юм байна.
“Харанга” хамтлагийн гитарчин гитарчин Я.Одсүрэн анх 1994 онд “Энэ бол дурлал биш” бие даасан тоглолтоо “Харанга” хамтлагийн таван жилийн ойд зориулан хийж байсан юм. Тэрээр ирэх жил тохиох хамтлагийнхаа 25 жилийн ойд зориулан хоёр дахь бие даасан тоглолтоо ийнхүү хийхээр болжээ. Түүний хоёр дахь бие даасан тоглолтод зориулсан гэнэтийн бэлгүүд үзэгчдийн хүртээл болж эхэллээ. Энэ бол “Никитон”-ы А.Болорхүүгийн найруулснаар On’n Off продакшн клипжүүлж өчигдрөөс эхлэн цацаж буй Я.Одсүрэнгийн хит дуунуудаас бүрдсэн попури юм.
Ингээд та бүхэндээ Я.Одсүрэнгийн хит дуунуудаас бүрдсэн “Попури”-г та бүхэндээ хүргэж байна.
