Барбадос гаралтай дуучин бүсгүй Рианна Бостон хотын ард иргэдийн дургүйцлийг чамгүй төрүүлээд авчээ. Тавдугаар сарын эхээр товлосон концертоо өвчний улмаас түр хойшлуулсан Рианна бие нь эдгэрээд эргээд тоглолтоо эхлүүлэхдээ гурван цаг хоцорч, үзэгчдийг чилээж, бухимдуулжээ.
Гэтэл хэвлэлүүдээр Рианна дэмждэг баг "Чикаго Буллз"-ынхаа тоглолтыг үзэж яваад тоглолтоосоо хоцорсон гэсэн мэдээлэл цацагдсан нь улам ч олны дургүйг хүргэсэн байна.
"Бостончууд түүний тоглолтыг хоёр сар хүлээсэн. Гэтэл тэр гурван цаг хоцорлоо. Тиймээс түүн рүү шүгэлдэлгүй яахав. Бид түүнд их уурласан" гэж концертийг нь үзсэн нэгэн өгүүлжээ.
Рианна одоогоор яагаад концертоо хоцорч эхлүүлсэн талаар элдэв тайлбар хийгээгүй байна. "Бостон хотынхоон, би энэ оройг хэзээ ч мартахгүй. Одоо би та бүхэнд бүр ч их хайртай боллоо. Бүгдэд тань баярлалаа" гэж Рианна концертынхоо төгсгөлд хэлсэн ч тусыг олоогүй бололтой.
www.URLAG.mn
