ОЮУН Юндэндоржийн
1952-2000
Бүжигчин. МУАЖ (1986)
1952 онд Улаанбаатар хотод төрсөн. 1960-1964 онд 10 жилийн 23-р дунд сургууль, 1964-1972 онд ОХУ-ын Санкт Петербург хотын А.Я.Вагановагийн нэрэмжит Бүжгийн Академик дунд сургуулийг Башкирын Ардын Жүжигчин Л.М.Тюнтинагийн ангид суралцаж төгссөн, 1972-1991 онд Сонгодог Урлагийн Академик Театр, 1991-1993 онд Монгол Балетын Танхимд гоцлол бүжигчин, 1993-2001 онд С.Гончигсумлаагийн нэрэмжит ХБДС, БЦДБЧ-д багшаар ажилласан. Төрийн болон ойн хүндэтгэлийн концертуудад 40 гаруй удаа оролцож өөрийн тайзнаа Болгарын И.Дрангажав, ОХУ-ын алдарт бүжигчин М.Лиепа, Швейцарийн Х.Мейстер нартай "Хунт нуур", "Дон Кихот", "Жизель" бүжгийн жүжгүүдэд гоцлон тоглож, Москва,
Санкт-Петербург, Львов, Новосибирск, Будапешт, Кабул, Тбилиси, Ереван, Ханой, Улан-Үдэ, Бээжин, Хөх хотуудад айлчлан тоглосон.1974 онд Варна, 1977, 1981 онд Москва, 1978, 1980 онд Японд болсон Олон улсын тэмцээнүүдэд амжилттай оролцож, 3 хүрэл медаль хүртэж, 1990 онд Токиод болсон А.Павловагийн дурсгалд зориулсан Гала концертонд урилгаар оролцож, 1993 онд Москвагийн олон улсын тэмцээнд хүндэт зочноор уригдсан.
Үргэлжлэлийг энд дарж үзнэ үү.
www.URLAG.mn
