Биен дээрх урлаг буюу шивээсийг биеийнхээ аль хэсэгт хийлгэх вэ?

Арьсны давхаргад арилдаггүй бэх ашиглан пигментийг өөрчлөх замаар хийсэн биений өөрчлөлтийн хэлбэрийг шивээс гэнэ.

Биен дээрх урлаг хэмээн нэрлэх шивээсийг сүүлийн үед охид залуус сонирхож, их хийлгэдэг болсон. Тиймээс биеийнхээ аль хэсэгт, ямар шивээс хийлгэхээ сайн бодож үзээрэй.

Залуус өөрийн шүтэн биширдэг хүн, дотоод сэтгэлийн илэрхийлэл, өөрийн онцлогт тохирсон шивээснүүдийг хийлгэдэг.

Найз залуугийн нэр
Хүн дурласан эсвэл хамгийн их үзэн яддаг хүнийхээ нэрийг шивүүлдэг. Харамсалтай боловч ийм дурлал удаан үргэлжилдэггүй нь үнэн. Хамгийн ил тод жишээ бол Анжелина Жоли. Тэрбээр Брэд Питтэй учрахаасаа өмнө Холливуудын томоождоггүй эр Билли Боб Торнтонд ухаангүй дурлаж, нэрийг нь хүртэл шивүүлж байсан билээ. Ийм шивээс удаан амьдрах чадваргүй байдаг.  

Тэнүүлч шивээс
Өгзөг, ташаан дээрх шивээсийг ингэж нэрлэдэг аж. Голдуу эмэгтэйчүүд хийлгэдэг энэ шивээс согтуудаа гаргасан шийдвэртэй адил.  Эрчүүд үүнийг сонгодог стиль гэж харах нь ховор.

Бугуйн дээрх шивээс
Ийм шивээсийг тэр бүр олон хүн олж харах боломжгүй учир өдөр бүр санаж байхаар зүйлээ бугуйн дээрээ шивүүлсэн нь дээр.

Цагираг
Энэ бол нөхөртэй гэдгээ бусдад тодоор илтгэж буйн шинж. Гэхдээ мөнх үргэлжлэх харьцаа гэж байдаггүйг санах хэрэгтэй. Харин шивээс мөнх зүйл гэж байдаггүйг нотолсон хэвээрээ үлдэнэ.

Сэтгэгдэл
Сэтгэгдлээ арьсан дээрээ шивүүлэхдээ алдаатай бичих нь хамгийн тэнэг хэрэг. Жүжигчин,  Хейден Панеттиер “Харамсах зүйлгүй амьдар” гэсэн санаагаа итали хэлээр шивүүлэхдээ алдаатай бичүүлжээ.  

Гадаад  үг
Дуучин Рианнагийн хүзүүн дээрх "Rebelle Fleur" шивээс франц хэлний “rebel fleur” буюу “Дуулгаваргүй цэцэгхэн” гэсэн утгатай үгийг буруу галигласнаас хувь тавиланг нь өөрчилсэн гэлтэй. Тиймээс гадаад үг шивүүлэхдээ төрөлх хэлтнээс үгийн утга, бэлэгдлийг тодруулахаа бүү март.

Хөлийн шивээс
Бугуйн шивээстэй адил  үл анзаарагдам боловч Чарлиз Терон шиг бүсгүйчүүдийн хувьд сайхан хөлөөрөө гайхуулах бас нэг арга юм.

Цээжин дээрх шивээс
Биеийнхээ аль хэсэгт шивээс хийлгэх нь таны хэрэг боловч ил тод шивээс таныг асуултын бай болгоно. Тааралдсан хүн болгон шивээсний чинь талаар асууж шалгаана. Мэдээж танд тайлбар хангалттай бий, тийм биз дээ?

Мөрний шивээс
Мөрөн дээрх шивээс өөрийгөө хэн бэ гэдгийг дэлхий ертөнцөд харуулахыг хүсч байгаагийн тэмдэг. Харин жүжигчин Кристина Риччи шиг хүүхэлдэйн баатрын дүрс сонгохгүй байхыг зөвлөе. Хэрэв хатуу самар гэдгээ харуулахыг хүсвэл өөр зүйл бодож ол. Мөн энэ хэсгийг шивээсний тохиромжтой талбай гэж олон хүмүүс үздэг.

Ажил мэргэжлийн бэлэгдэл
Загвар өмсөгч Шанель Иманыг санаж байна уу? Түүний хүзүүн дээр хувцасны өлгүүрийн шивээс байдаг. Хэт утгачилсан ийм шивээс залуудаа бодлогогүй алхам хийснийг гэрчилж үлддэг. Бид мөнх 18-тай байдаггүй биз дээ.               

Толгой, шууны шивээс: Татвар төлөх ямар ч ажил хийхгүй.

Гэдэсний шивээс: Биеийн энэ хэсэгт шивээс хийлгэвэл ердийн үеэс 500 дахин их хөлөрдөг гэдгийг сана.

Гуя, цавь: Зарим хүмүүс шивээсээ бусдад харуулах дургүй байдаг. Хэрэв та гуя, цавиндаа шивээс хийлгэх гэж байгаа бол эхлээд эмчтэйгээ зөвлөхөө бүү мартаарай.