Куш, Оюука нарын “Say it now” жааз тоглолт болно

Куш (дуучин) ба Оюука (төгөлдөр хуурч) нь ХБК төгссөн мэргэжлийн уран бүтээлчид. Тэд 2011 оноос жазз урсгалаар тоглож эхэлсэн бөгөөд өөрсдийн гиг-тоглолтуудыг чанаржуулсанаар зогсохгүй цуврал концертуудыг зохион байгуулж, Улаанбаатар дахь жазз хөгжмийн хөгжлийг тодорхой төвшинд гаргах, хөгжим сонирхогч хэн бүхний оюуны хэрэгцээг хангаж, залуучуудын гоо зүйн таашаал, тэдний үзэл бодолд зөв нөлөөг үзүүлэх, цаашлаад Монгол жазз хөгжим, орчин үеийн урлагийг дэлхийд өрсөлдөхүйц хэмжээнд ойртуулах зорилт тавин ажиллаж байна. Ингэхдээ шинэ (Монгол) дуунуудынхаа үг ая, найруулга зэргийг өөрсдөө бие даан хийж байгаа болно.

Энэ хүрээндээ:

• 2011, 2012 онд зохион байгуулагдсан Их талын жазз олон улсын V, VI фестивальд оролцож өөрсдийн чансааг гадны уран бүтээлчидтэй харьцуулан үзэж, туршлага солилцсон

• “Frank Sinatra and Diana Krall”/2011.11.19/, “Dreaming of a white Christmas”/2011.12.17/, “Michael Buble and Jamie Cullum”/2012.02.11/ зэрэг гурван цуврал тоглолтыг Роял Жазз Ресторан, Блак Бокс театр, болон Улсын Филармонид тус тус зохион байгуулсан

• C1ТВ- “Dreaming of a white Christmas”/2011.12.31/, МҮОНТВ- “Music and the band”/2012.01.16/ телевизийн бүрэн хэмжээний хоёр тоглолт

• Say It Now сингл цомог төслийн хүрээнд хийсэн Say It Now дууны цацалт. Тус дуу нь Улаанбаатарын радио, телевизийн чартуудад дээгүүр байр эзэлсэн төдийгүй iTunes, Amazon.com, Cdbaby.com зэрэг дэлхийн хөгжмийн зах зээл дээрх 20 шахам цахим хуудсанд борлуулагдаж байгаа ба Jango Airplay интернет радиогоор нийт 200 удаа дэлхийн 22 улсын сонсогчдод одоогоор хүрээд байна.

• УБ-д суугаа онц бөгөөд бүрэн эрхт элчингүүд, ЮНЕСКО, ТВ ток шоунууд, Загварын шоу, TED арга хэмжээ болон бусад сайн дурын арга хэмжээнүүд дээр хоршил болон бусад хөгжимчидтэй хамтран тоглож байна.

Тоглолтод өөрсдийн цомогт орсон дуунууд болон стандарт жазз дуунуудаас эгшиглэнэ. Мөн энэхүү тоглолт нь тэдний хамтлагийн анхны ЕР цомгийн нээлт юм.
Тоглолт 2013 оны 6-р сарын 8, 9-нд iLoft Function House-д 19:00 цагаас тус тус болно.

Тасалбар: Hi-Fi Mega Store
Үнэ: 25.000₮
Лавлах утас: 99271815, 89159497, 88033300
Цахим хуудас:

www.facebook.com/KushandOyuka
www.cdbaby.com/cd/kushandoyuka2
www.amazon.com/Say-It-Now/dp/B0085NDYG6/ref=sr_1_1?ie=UTF8&qid=1353346853&sr=8-1&keywords=Kush+and+Oyuka

www.URLAG.mn