НАМТАР

Б.Дамчаа Монгол Улсын Ардын жүжигчин, кино найруулагч, дуу оруулагч, дуучин байсан юм. Тэрээр 1932 онд Ховд аймгийн Алтай Урианхайн хязгаар (одоогийн Баян-Өлгий аймгийн Буянт сум)-т төржээ. Сумандаа дунд сургууль дүүргээд Санхүүгийн техникум, төмөр замын машинистын курс төгссөн байна. Ажлын гараагаа Баян-Өлгий аймгийн нэгдүгээр 10 жилийн сургуульд нягтлан бодогчоос эхэлж, 1954-1959 онд Улаанбаатар Төмөр замд машинист, 1959-1968 онд Төмөр замчдын соёлын ордонд жүжигчин, дууны багш, 1968-1990 онд "Монгол кино" үйлдвэрт жүжигчин, найруулагч, 1990-1994 онд кино урлагийн "Бэрс" дээд сургууль, 1998-1999 онд Кино урлагийн дээд сургуульд багшаар тус тус ажиллаж байв. Түүнийг 2007 оны арваннэгдүгээр сарын 26-нд Ардын жүжигчин цолоор шагнажээ. Тэрээр 400 гаруй кинонд дуу оруулсан байна. Мөн монгол хэв маяг бүхий поп урлагийн эхлэлийг тавилцсан дуучдын нэг билээ. Монголын кино, тайз, өгүүлэхүйн урлагийн нэрт мастер Б.Дамчаа 2009 оны зургадугаар сарын 24-нд хорвоогийн мөнх бусыг үзүүлжээ.

УРАН БҮТЭЭЛ

• 
  БИ ЧАМД ХАЙРТАЙ — 1985

  ЖҮЖИГЧИН

• 
  СЭРҮҮН ДУГАНЫ МӨХӨЛ — 1989

  НАЙРУУЛАГЧ

• 
  МАНДУХАЙ ЦЭЦЭН ХАТАН — 1989

  ЖҮЖИГЧИН

• 
  НОХОЙ ОРОН — 1998

  ӨГҮҮЛЭГЧ

• 
  ХАДАГ — 2006

  ЖҮЖИГЧИН