Холливудын жүжигчин бүсгүй Женнифер Энистон сүйт залуу Жастин Терутайгаа харилцаа нь тун таарамжгүй болж эхэлжээ. Тэд хуримаа одоогийн байдлаар хоёр ч удаа хойшлуулчихаад байгаа билээ. Эхлээд наймдугаар сар болгосон бол дараа нь арванхоёрдугаар сар болгож, хуримаа хойшлуулснаа тэд ажлын хуваарь нь их шахуу байгаатай холбон тайлбарласан.
Гэвч сүүлийн үед хэвлэлүүдээр гарч буй мэдээллээс үзвэл Энистон, Теру нар хаана амьдрах тал дээрээ зөрчилдөж эхэлсэн ажээ. Женнифер сурсан дассан Лос-Анжелестаа байхыг хүсч буй бол Жастин Нью-Йоркийг илүүд үздэг гэнэ.
"Жастин Лос-Анжелесийн цаг агаарыг хүртэл ад үздэг. Тэгтэл Женнифер тэнд амьдарна гээд харшаа их засвар оруулаад эхэлчихсэн. Жастин жаахан хүүхэд шиг хөтлүүлж амьдрахыг хүсэхгүй байгаа" гэж ойрын гэх эх сурвалж мэдээлсэн байна. Гэвч Женнифер Энистон сүйт залуудаа өөрийнхөө үзэл бодлыг тулгалгүй, аль болох эвээр асуудлыг шийдэхийг хичээж байгаа гэнэ.
www.URLAG.mn
