Энэ удаагийн “Mobile photo” булангаар бид “Гурван охин ” хамтлагийнханы зургийг онцоллоо. Тэд урлагийн тайзнаа арван жил дуулсан охидын хамтлаг. Үргэлж шинийг эрэлхийлж, содон сонин уран бүтээлээр ялгарч, роп попын ертөнцөд өөрсдийн орон зайг бий болгосон.
Тэд МУГЖ дуучин Т.Ариунаа, поп дива дуучин Ж.Алтанцэцэг нарын тоглолтод дуулж эхэлсэн нь тэдний уран бүтээлийн гараа байсан гэхэд болно. Анх “Moon” нэртэй байгуулагдаж байсан ч хамтлагийн гишүүн солигдож Г.Анхмаа орж ирсэнээр тэд нэрээ өөрчилж “Гурван охин ” болгосон. Өнгөрсөн жил тэднийг нэрээ солих нь гэсэн мэдээлэл цацагдаад байсан ч тэд нэрээ солихгүй хэмээн албан ёсоор мэдэгдсэн юм.
Тус хамтлагийн гишүүн Г.Анхмаа жүжигчин Т.Билэгжаргалтай гэрлэж хөөрхөн охины ээж болсон. Тэд уран бүтээлээ завсардуулалгүй шинэ уран бүтээл, клип, тоглолт гээд тун чиг завгүй ажилладаг. Ингээд мөрөөдөл өөдөө тэмүүлж яваа уран бүтээлч бүсгүйчүүддээ амжилт хүсье.
Б.Хорлоо
