Бид энэ удаагийн “Mobile photo”-гоор хошин урлагийн “Маск” продакшины жүжигчин МУСТА Д.Дэлгэрсайхан, Э.Алдар нарын зургийг онцолж байна.
Байгалийн сайханд морь унан яваа залуусын зураг наадам хаяанд ирснийг мэдрүүлж байх шиг.
Жүжигчин Д.Дэлгэрсайхан КУДС-ийн жүжигчиний ангийн оюутан байхаасаа “ТВ5” телевизд орчуулгын кинонд дуу оруулж, ажлын гараагаа эхэлсэн байдаг. Үүнийхээ дараа “360 градус” хошин мэдээллийн хөтөлбөрт ажиллаж байсаныг нь бид мэднэ. Харин 2006 онд “Маск” продакшин байгуулагдаж тус продакшинд өнөөг хүртэл жүжигчнээр ажиллаж байна.
Харин жүжигчин Э.Алдарын хувьд уран бүтээлийн гараагаа “Boomtown” хамтлагаас эхэлж байсаныг бид мэднэ. МУСТА жүжигчин, бүжиг дэглээч Ган-Очироор ахлуулсан нэгэн үеийн залуус урлагийн тайзнаа шинэ өнгө аястайгаар гарч ирсэн. Өдгөө тус тусын уран бүтээлээ амжилттай туурвиж явна. Жүжигчин Э.Алдарын хувьд орос хэл сайн эзэмшсэн бөгөөд орос хэлнээс хүүхдийн жүжгийн зохиол орчуулж байсан удаатай.
www.URLAG.mn
