Ардын язгуур урлагийн “Хөгсүү” чуулгаас санаачлан Бий биелгээг "Гиннесийн номон"-д бүртгүүлэх их үйлсийг сүүлийн хэдэн жилийн турш үргэлжлүүлэн хийсээр ирсэн билээ. Уг ажил биеллээ олж энэ сарын 10-нд Сүхбаатарын талбайд Халх, буриад, барга, үзэмчин, дарьганга, цаатан, дархад, хотгойд, дөрвөд, баяд, урианхай, хотон, тува, захчин, торгууд, өөлд, мянгад, казак гэсэн 10 ястаны 5000 бийлээчид нэгэн зэрэг бийлж их өв соёлоо дэлхий нийтэд тунхаглан зарлахаар өдөр бүр Сүхбаатарын талбайд бэлтгэлээ хийсээр байна.
Бий бийлгээг үндэстэн, ястануудын өөрсдийнх нь ардын дуунууд дээр нь бийлүүлэх тул тухайн ястаны дууг дуулдаг дуучдыг Морин хуурын чуулгатай дуулуулж түүн дээр нь бийлээчид бийлэх гэнэ. Гиннесийн номонд Бий бийлгээг бүртгүүлсэнээр Монгол улсаа гадаад орнуудад сурталчлах, гадны жуулчдыг татах, бий бийлгээг залуу хойч үедээ зөвөөр ойлгуулж, таниулж, хичээллэх урам зориг өгөх өндөр ач холбогдолтой хэмээн “Хөгсүү” чуулгын уран бүтээлчид онцолсоны зэрэгцээ Монгол түмний маань сэтгэл агуу болохоор, энэхүү арга хэмжээг дэмжихийг уриалж байна хэмээсэн юм.
Хандивын данс: Хаан банк: 5007656753, 5027382131.
www.URLAG.mn
