Булган аймгийн Сайхан сумын харъяат, Монгол улсын Хөдөлмөрийн баатар, Гавъяат тамирчин, Олимпийн алт мөнгөн медалт Найдангийн Түвшинбаяр Хүннү гүрэн байгуулагдсаны 2222 жилийн ой, Их Монгол Улсын 807 жилийн ой, Ардын хувьсгалын 92 жилийн ой, Үндэсний их баяр наадмын үндсэний бөхийн барилдаанд зодоглосон билээ.
Тэрээр зургаагийн даваанд Даян аварга Гэлэгжамцын Өсөхбаярыг даван Харцага цолны болзол хангасан бол долоогийн даваанд Улсын аварга С.Мөнхбатад амлуулан барилдаж өвдөг шороодсоноор энэ жилийн наадмаа өндөрлүүлж улсын харцага цол хүртлээ.
Ийнхүү наадамчин олныг баясгасан эрхэм аваргадаа спортын өндөр амжилт хүсэн ерөөе.
