|
Монгол Улсын Ардын жүжигчин
Авхейн Хавлааш
|
МУГЖ 1976 он, АЖ 1981 он
Дуурийн дуучин, (1945-10-05) Баян-Өлгий аймгийн Сагсай сумын нутагт төрсөн. 1967-1972 онд Болгарын Софи хотын ХДС-д суралцаж дуурийн дуулаачийн мэргэжлээр төгссөн. 1962-1963 онд УХДТ-т жүжигчин, 1963-1967 онд Баян-Өлгий ХДТ-т дуучин, 1967-1992 онд УДБЭТ-т гоцлол дуучин, 1993 оноос Казахстан улсын УДБЭТ-т дуучнаар ажилласан.
1976 онд УГЖ, 1981 онд Ардын жүжигчин цол хүртсэн.
ЖҮЖИГЧНЭЭР: Ш.Гуно “Фауст” Валентины дүрд 1969, Б.Дамдинсүрэн “Амарсанаа” Орос ноёны дүрд 1970 , Б.Сметан “Худалдагдсан бэр” Крушинагийн дүрд 1974, Б.Дамдинсүрэн “Мартагдашгүй дөчин хоёр хоног” Кайгордовын дүрд 1974, Б.Дамдинсүрэн “Учиртай гурван толгой” Юндэнгийн дүрд 1976, Дж.Верди “Травиата” Жермоны дүрд 1977, Л.Мөрдорж “Жаргал” Дэмчигийн дүрд 1978, Дж.Россини “Севилийн үсчин” Фигарогийн дүрд 1979, П.И.Чайковский “Евгений Онегин” Онегины дүрд 1980, Ж.Пуччини “Тоска” Скарпьягийн дүрд 1981, П.И.Чайковский “Иоланта” Бургундийн вангийн дүрд 1984, Ж.Бизе “Кармен” Эскамилогийн дүрд 1984, Д.Лувсаншарав “Нүцгэн ноён” 1985, Дж.Верди “Риголетто” Риголеттогийн дүрд 1986, Дж.Верди “Отелло” Ягогийн дүрд 1989, Ц.Нацагдорж “Өгөдэй хаан” Хонхордойн дүрд 1991.
|
