Их Британийн ханхүү Уильям болон гүнж Кейт Миддлтоны дөнгөж хорвоод мэндлээд хэдхэн хонож буй хүү Георгийг тун хэцүү хувь тавилан хүлээж байгаа тухай Оросын зөнч, одон орны зурхайч Павел Гроба ярьжээ.
Түүний үзэж буйгаар хүүгийн мэндэлсэн өдөр, цагийн гариг эрхсийн зурлага нь тун хүнд юм байна. Кембрижийн ханхүү хэргэм төрмөгцөө хүртсэн Георгийг насанд хүрэх үед Их Британи улс задрах, улс гүрнээ хэвээр нь авч үлдээхийн тулд их тэмцэл өрнүүлж, амаргүй хувь тавилан угтаж байгаа гэж зөнч Гроба хэлсэн гэнэ.
Гэхдээ Кембрижийн ханхүүд ногдох энэхүү хүнд цаг үе дор хаяж 30 жилийн дараа тохиолдох юм гэнэ.
“Ийм од гаригт төрсөн хүмүүс бусдын болон удмынхаа нүгэл хилэнцийг үүрч амьдардаг жамтай. Тэрбээр зан чанарын хувьд ч амаргүй хүн болно. Гэхдээ өөрөө хилэнцийн тэмдэгтэд төрсөн болохоор хувь заяаны хүнд цохилтыг хүлээн авах тэнхээтэй болж өснө” гэж Гроб өгүүлжээ.
Эх сурвалж: new.mn
