Аюурзанын Долгор

Дуурийн жүжигчин. (1955.07.01) Төв аймгийн Баянцагаан суманд төрсөн. 1970-1973 онд Сэлэнгэ аймгийн Алтанбулагийн ХАА-н техникум, 1976-1984 онд ОХУ-ын Екатеринбург хотын Уралын ХИС-ийг дуулаачийн мэргэжлээр суралцаж төгссөн.

1973-1975 онд Төв аймгийн Соёлын ордонд жүжигчин, 1984 оноос УДБЭТ-т дуучин, жүжигчнээр тасралтгүй ажиллаж байна. А.Долгор нь Итали, ОХУ, Солонгос, Япон, Чех зэрэг улсуудад айлчлан тоглож, дэлхийн шилдэг театруудын тайзнаа дуулж, гадаадын үзэгчдээс өндөр үнэлэлт авсан юм.

1988 онд Ц.Нацагдорж “Үүлэн заяа” дуурийн гол дүрийг чадварлаг бүтээсний учир Соёлын яам, МУАХ-ны шилдэг дүрийн шагналыг авчээ. 1993 онд УГЖ, 2005 онд Ардын жүжигчин цол хүртсэн.

жүжигчнээр: Ж.Бизе “Кармен” Кармены дүрд 1984, Х.Билэгжаргал “Ламбугайн нулимс” 1986, Дж.Верди “Риголетто” Мадделенагийн дүрд 1986, Т.Хренников “Шуурганаар” Аксиньягийн дүрд 1987, П.И.Чайковский “Евгений Онегин” Ольгагийн дүрд 1988, Ц.Нацагдорж “Үүлэн заяа” Цурхайн дүрд 1988, Дж.Верди “Отелло” Эмилиягийн дүрд 1989, Ж.Пуччини “Чио Чио Сан” Сузукийн дүрд 1991, В.А.Моцарт “Увидаст лимбэ” 2-р хатагтайн дүрд 1993, Д.Жанчив “Хөх торгон дээл” 1994, Дж.Верди “Трубадур” Азученагийн дүрд 1994, Ц.Нацагдорж “Гэсэр” Арлунгоон дүрд 1995, Ж.Россини “Севилийн үсчин” Розинагийн дүрд 1998, Л.Мөрдорж “Хөхөө Намжил” Алтайн дагина 1999, Г.Пүрэвдорж “Дэлхий ээжийн төрсөн өдөр” Дэлхий ээжийн дүрд 2002, Д.Лувсаншарав “Хар Хорум” Будлангийн дүрд 2002, Отто Николай “Виндзорын овжин авхай нар” 2002, Б.Шарав “Чингис хаан” Өэлүн ээжийн дүрд