1919-1996
ЗУУНЫ МАНЛАЙ ХӨГЖМИЙН ЗОХИОЛЧ, Чойбалсангийн Нэрэмжит шагнал (1948, 1951), МУАЖ (1975)
Цэргийн төв клуб, театраас уран бүтээлийнхээ гарааг эхэлсэн Монгол Улсын Ардын жүжигчин, Төрийн хоёр удаагийн шагналт, Зууны манлай хөгжмийн зохиолч Л.Мөрдорж бол орчин цагийн Монголын мэргэжлийн хөгжмийн тулгын чулууг тавилцаж, галыг нь асаалцан явсан Монголын ард түмний сод, гарамгай авъяастны нэг юм.
Тэрбээр 1919 онд Их хүрээнд төрж, бага сургууль, нягтлан бодохын курст суралцсан байна. 1934 онд Төв театрт хөгжимчнөөр орж алдарт хөгжимчин Түдэв, Ишдулам нараар хуучир заалган сурч, 1936 онд цэргийн албан дорж, 1937 онд Цэргийн театрт жүжигчин-хөгжимчин, 1939 онд хөгжмийн удирдаач, 1941 онд Цэргийн дуу бүжгийн чуулга болоход анхны даргаар нь томилогдон ажиллаж байв.1936 он буюу Ардын хувьсгалын 15 жилийн ойгоор “Улсын хөгжимчдийн анхдугаар уралдаан”-д Цэргийн театраас 17 настай байлдагч цолтой бор хүү хуучир хөгжмөөр гайхамшигтай тоглож, “Улсын алдарт хөгжимчин” цолыг хүртэж явсан түүхтэй. 1930 оны сүүлч, 1940 оны эхэн үед нийтийн дууны төрөлд цэрэг эх орны сэдэвтэй, дайчин цоглог, маршийн хэмнэлтэй дуунууд зонхилж байв. Энэ үед Цэргийн театр, чуулгад ажиллаж уран бүтээлийнхэ гарааг амжилттай эхэлж байсан Л.Мөрдорж цэрэг, эх орны сэдэвтэй "Түүхт хил", "Байлдагч суман", "Хилийн цэрэг", "Нисэгч", "Цэрэгт мордоё", "Эх орон" зэрэг олон арван дуу зохиож ард түмэн, армийн дайчдын дунд нэр нь алдаршин ирсэн юм.
Л.Мөрдорж 1941 оноос Улсын циркт хөгжимчин-удирдаач, 1950-1956 онд Москвагийн Хөгжмийн их сургуульд суралцаж,1 956-1970 онд Улсын ардын дуу бүжгийн чуулгад хөгжмийн зохиолч, 1970-1974 онд УБДС-ийн хөгжмийн зохиолчийн салбарт багш, 1974 оноос бие даасан мэргэжлийн хөгжмийн зохиолчоор ажиллаж байв.1975 онд “Ардын жүжигчин цол”, “БНМАУ-ын Төрийн шагнал”-ыг 1946 онд "Эх орон"дуугаар,1952 онд БНМАУ-ын “Төрийн дуулал"-ыг Ардын жүжигчин, Төрийн хошой шагналт Билэгийн Дамдинсүрэнтэй хамтран зохиож, хоёр дахь удаагаа хүртжээ.Монголын шилдэг яруу найрагчид, зохиолчид Д.Сэнгээ,Ц.Цэдэнжав, Д.Тарваа, Ю.Цэнд-Очир, Б.Бааст, Ч.Чимид, Ц.Гайтав, З.Пунцаг, Ч.Лхамсүрэн, М.Цэрэндорж нартай хамтран зууны манлай
хөгжмийн зохиолч Л.Мөрдорж 200 гаруй дуу бүтээсэн гавъяатай хүн юм.
Үргэлжлэлийг энд дарж үзнэ үү
