Өнөө өглөө миний дээгүүр
Өнчин ганцхан тогоруу нислээ
Өнчин ганцхан тэр тогорууг
Өөртэйгөө би жишин зүйрлэхдээ
Ганцаараа юу тогоруу шувуу
Ганганан гунганан нисэн одлоо
Ижлээ алдсан хөөрхий тогорууг
Эргэн иртэл дуугаа би дуулна
Гуниг зарласан тэр тогорууг
Өөртэйгөө би жишин зүйрлэхдээ
Уйтгарт нүднээс нулимс унагаад
Унаган хайраа эргэн санахдаа
дахилт
Үдэш унтах зүүдэнд минь
Үргэлж нисэн ирэх тогоруу
Өглөө сэрээд босоод харахад минь
Үргэлж надаас хульжин одох юм
дахилт
Зүүдэн дундах шөнө бүхэн
Зүрхэнд нисэн ирэх тогоруу
Заяа төөргөөр адилхан ч гэсэн
Замбуулин дээр ижлээ эрэх юм
дахилт
