Улсын дуурь, бүжгийн эрдмийн театрын гадаа хүмүүс бөөгнөрөн, “Хаалгаа онгойлгооч” хэмээн зарим нэг нь хаалгыг нь тогшин зогсоно. Цаг 17.20. Улсын дуурь, бүжгийн эрдмийн театрын 50 дахь улирлын нээлтийн тоглолт хэдийнэ эхэлсэн энэ аж. Тоглолтоо үргэлж цагтаа эхэлдэг дуурийн театрынхан энэ жилээс үзэгчдэдээ хатуу шаардлага тавьдаг болж байгаагаа ийнхүү илэрхийлжээ.
Зохиогч: Урлаг
Америкийн поп дуучин Леди Гага 2012 оны энх тайвны “LennonOno Grant for Peace” гэх шагналын тав дахь эзэн боллоо гэж Rolling Stone мэдээлж байна.
Алдарт The Beatles хамтлагийн Жон Леннон агсны гэргий Йоко Оно талийгаач нөхрийнхөө дурсгалд зориулан бий болгожээ. Шагнал гардуулах ёслол аравдугаар сарын 9-нд Жон Ленноны төрсний 72 жилийн ойгоор Рейкьявик хотноо болно. Шагналыг дагалдан ирэх бүх мөнгийг Леди Гага ДОХ-той тэмцэх Элтон Жоны санд хандивлана гэж мэдэгдээд байгаа. Шагналын хэмжээ нь харин тодорхойгүй.
Нийслэлийн “Улаанбаатар” чуулгын шинэ уран бүтээл “Гоолингоо” дуулалт жүжгийн албан ёсны хэвлэлийн бага хурал боллоо. Нээлтийн арга хэмжээнд “Улаанбаатар” чуулгын дарга Ц.Төвшинтөгс, МУСГЗ О.Соёлт, МУУГЗ Б.Баатар, МУСТА С.Баярсайхан, МУГЖ Г.Ариунбаатар, МУГЖ Г.Хонгорзул, МУСТА Б.Батболд, МУСТА Г.Отгонцэцэг, Ерөнхий продюссер Б.Нямсүрэн, Ерөнхий ивээн тэтгэгч “INFINITE HOLDING”-н захирал Э.Бархасбадь нар оролцлоо. Тус жүжгийн зохиолыг Төв аймгийн “Монгол туургатан” театрын ерөнхий найруулагч, зохиолч МУСТА С.Баярсайхан бичиж, хөгжмийн зохиолчоор МУУГЗ Ш.Аюуш ажиллажээ. Жүжгийн хяналтын зөвлөлийн гишүүдээр АЖ Б.Мөнхдорж, МУУГЗ Б.Баатар, МУСГЗ О.Соёлт, МУУГЗ Ч.Ганхуяг нар ажиллаж байгаа ажээ. “Гоолингоо” дуулалт жүжгийн гол дүрд цагдаагийн ерөнхий газрын “Сүлд” чуулгын гоцлол дуучин, Гавьяат жүжигчин Г.Ариунбаатар, УДЭТ-ын жүжигчин Г.Отгонцэцэг, “Улаанбаатар” чуулгын уртын дуучин, МУГЖ Г.Хонгорзул, МУСТА уртын дуучин Б.Батболд нар тоглож байгаа бөгөөд дүрүүдэд: МУГЖ Т.Баяраа, МУСТА М.Анхтуяа, О.Анхчимэг, Т.Лхагважав, Б.Эрдэнэсаруул, С.Отгонбаатар, Э.Цэнд-Аюуш, Ж.Буянтогтох нар тоглох нээ.
Поп, опера урсгалаар уран бүтээлээ туурвиж, шинэ өнгө төрх мэдрүүлсэн “Увертюра” хамтлагийнхан энэ жил гурван нас хүрч байгаа билээ. Тэд өнөөдөр 19.00 цагт хуучнаар “Ард” кино театрт байрлах “Од” театрт “Удиртгал” нэртэй анхны цомгоо өлгийдөн авах гэж байна. Тиймээс тэд цомгийн баяртаа зориулсан “VIP” тоглолт хийхээр болжээ. Тэд тоглолтоо “урилгын” гэх тодотголтой хийж байгаа учраас тасалбар борлуулахгүй, гурван жилийн турш хамтарч ажилласан байгууллага, хөгжмийн студи зэрэг тэдэнд тусалсан хүмүүст тоглолтоо үзүүлэхийг зорьж байгаа гэнэ.
Түүхэн “Аравт” киноны хөгжим цогцоороо эгшиглэх “Эзлэн” тоглолт Улсын циркт энэ сарын 17-19-нд тоглогдоно. Өвөг дээдсийнхээ хийморь лундааг сэрээн бичсэн гэгдэж байгаа энэхүү бүтээлээ Б.Чинбат симфони оркестртой тоглохоор болсон нь Монголын хөгжмийн түүхэнд онцгой үйл явдлын нэг болж байна. Тоглолтонд Намсрайжавын нэрэмжит 60 хүний бүрэлдэхүүнтэй симфони оркестр, Монгол улсын дуурь бүжгийн эрдмийн театрын хоор оролцоно.
Тун удахгүй нээлтээ хийх гэж байгаа “Гоолингоо” дуулалт жүжгийн гол дүрд тоглож буй Улсын Драмын Эрдмийн Театрын жүжигчин Г.Отгонцэцэгтэй уулзлаа. Тэрээр “Орхидос” киноны хойд эхийн дүрээр олноо танигдсан. Харин одоо ямар дүрийг амьдруулж байгаа бол.
Тун удахгүй сонгодог урлагийн гайхалтай тоглолт эгшиглэх нь ээ. Тоглолтын нэр нь “Recital”. ОХУ-ын хөгжмийн нэрт зохиолч М.Глинкагийн нэрэмжит Олон улсын дуурийн дуулаачдын уралдааны хоёрдугаар байрын шагналт, Санктпетербургийн дуурийн дуулаачдын олон улсын уралдааны гуравдугаар байрын шагналт, СССР-ын Ардын жүжигчин Н.Обуховын нэрэмжит дуурийн дуулаачдын уралдааны хоёрдугаар байрын шагналт Ч.Энхтайван “Recital” анхны бие даасан тоглолтоо толилуулахад бэлэн болжээ. Тэрбээр энэ сарын 19-нд 19.00 цагт Улсын филармонийн концертын танхимд сонгодог үдшийг ганцхан удаа эгшиглүүлэх гэж байна. Тэрбээр тоглолтоо төгөлдөр хуурч Ц.Мягмарцэрэнгийн хамт хаан хуурын эгшиг дор хүргэхээр зэхжээ.
“Swwetymotion” хамтлагийн бүсгүйчүүд сүүлийн өдрүүдэд завгүй яваа. Хамтлагийн продюсер Б.Чинбат “Аравт” түүхэн киноны хөгжмийн бүтээлээр тоглолт хийх гээд бэлтгэл ажил, өөрсдийн уран бүтээл гээд тун чиг завгүй ажиллаж байгаа сурагтай. Гэсэн ч тэд фэнүүддээ шинэ клипээрээ бэлэг барьж байгаа юм.