Зохиогч: Урлаг

Дуучин Б.Амархүү өмнө нь “Херо” энтертайментийн бүтээл “Татар ажиллагаа” кинонд тоглож, жүжиглэх чамгүй

авъяастайгаа фэнүүддээ харуулаад амжсан. Тэгвэл дуучин залуу маань “Big fish” хэмээх бас нэгэн шинэ кинонд гол дүр бүтээсэн байна. Уг кинонд тэрбээр Соёмбо хэмээх ахлах дэслэгч залуугийн дүрд тогложээ. Энэхүү киног реппер B.A.T найруулсан бөгөөд дүр сонголт талдаа нэлээд анхаарсан гэнэ. Түүний сонголтоор уг киноны гол дүрд дуучин Б.Амархүүгээс гадна хөтлөгч Халиун болон “Шилмэл загвар” агентлагийн загвар өмсөгт Ариунзул хэмээх бүсгүй тоглосон аж.

Нэрт дуучин Ашерийн 11 настай өргөмөл хүү Кайл Говер өнгөрсөн бямба гаригт амьдрах ямар ч найдлагагүй болсон тул тусгай аппаратаас салгаж, цогцсыг нь хөдөөлүүлэхэд бэлдэж эхэлсэн юм. Кайл Атлантагийн эрэг дээр сэлж явахдаа давалгаанд цохиулан тархи нь хүнд бэртсэн тул үхмэлжиж, улмаар амьдрах найдлага тасарсан ажээ.
Гэтэл Ашерийн хуучин эхнэр Тамека Фостер хэрэг явдалд оролцож, Кайл давалгаанд цохиулаагүй харин гэр бүлийн найз гэх Жеффри Хаббардын цахилгаан тэргэнд дайруулсан гэж мэдэгдсэн байна. Тиймээс цагдаагийн газар явдлыг нарийвчлэн шалгахаар болж, хэрэг үүсгэжээ.
Цагдаа нар Хаббардыг тэр даруй сэжигтнээр татан, байцааж эхэлсэн байна.

Кино ертөнцийн шинэ одод болох Роберт Паттинсон, Кристен Стюарт нар ойр дотны харилцаатай хэвээрээ байгааг батлах баримтыг папараццчид олжээ. Тэднийг хэдэн сарын өмнөөс харилцаагаа тасалсан хэмээн мэдээлэх болсон ч The Hotel Cafe-д болсон гитарчин Бобби Лонгийн тоглолтыг үзэхээр ирэхэд нь папараццчид зураг авч дөнгөжээ. Гэхдээ Роберт, Кристен хоёр концерт үзэхээр хөөрч ирсэн биш оршуулгад явж буй хүмүүс шиг байсан нь гайхшруулсан гэнэ. Роберт Паттинсон Стюартын өмнө гарч, зам гаргангаа гараас нь хөтлөн алхахад бүсгүй толгойгоо гудайлган араас нь дагаж байж. Мөн Кристений өмссөн майк шүтэн бишрэгчдийнх нь сэтгэл төдийлөн хүрээгүй гэнэ.

Холливудад өөрийн үеийн хамгийн инээдтэй, олны танил алдарт алиалагч болсон Бен Стиллерийн инээдмийн кинонууд нэн амжилт олж байгаа билээ. Гэхдээ тэрээр өөрийгөө “гутранги үзэлт дүнсгэр хүн” хэмээн нэрлэдэг бөгөөд “меланхолик уйтгарт байдлаас зугтахад кино маань л надад тусалдаг” хэмээн үздэгийг мэддэг хүмүүс цөөн юм.

Спортын зуны олимпийн XXX наадам эхлэх гэж байгаа энэ үед ӨМӨЗО-ны Ордос хотноо Гоо сайхны олимп болж байна. 120 орны мисс өрсөлдөж байгаа “Дэлхийн мисс-2012” тэмцээнд Монгол Улсыг төлөөлж Х.Баярмаа оролцож байгаа. Түүнийг жүжигчин С.Өлзийхүүгийн охин гэдгийг уншигчид андахгүй бизээ. Тэрээр тэмцээний эхний шалгаруулалтуудад амжилттай оролцож байна.

Монгол Улсын Ерөнхийлөгч Ц.Элбэгдорж Улсын Их Хурлын шинээр сонгогдсон дарга З.Энхболдыг хүлээн авч уулзан, баяр хүргэлээ. Ерөнхийлөгч ард түмэн, улс үндэстнийхээ болон хууль, шударга ёсны эрх ашгийг тэргүүн зэрэгт тавьж ажиллахыг Улсын Их Хурлын даргаас хүсэв.

Манай улсад ХДХВ-ын вирус тээгчдийн тоо өдгөө 111-т хүрээд байгаа талаар ХӨСҮТ албан ёсоор мэдэгдлээ. Сүүлд нэмэгдсэн халдвар тээгч нь эрэгтэй хүн бөгөөд уг халдварыг бэлгийн замаар авсан гэнэ.

ДЭМБ-ын албан бус судалгаагаар нэг ДОХ-той хүний цаана 100 тээгч байдаг гэдэг. Үүнээс харахад Монголд албан ёсоор илрээгүй мянга гаруй ДОХ-той хүн байж болзошгүй байна.

Алдарнууд болон маш баян хүмүүст хүртэл онцгүй тааламжгүй өдөр байдагийг харуулсан зургийн цуглуулгыг дэлгэрэнгүй орж сонирхоорой.

Дэлхий дахинаа хит болж байгаа шинэ соргог, шилдэг дуунуудыг татаж авах боломжтойгоор багцлан хүргэдэг Billboard-ын Hot 100 дууны 2012 оны 07-р сарын 28-ны өдрийг хүртэл үргэлжлэх шилдэг жагсаалтыг та бүхэнд хүргэж байна. Энэ удаагийн Billboard жагсаалтанд дуучин Carly Rae Jepsen-н “Call Me Maybe” дуу тэргүүн байранд бичигдсэн хэвээр байгаа бол Maroon 5, Wiz Khalifa-н хамтран дуулсан “Payphone” уран бүтээл мөн л 2-р байрт орсон байна. Харин Katy Perry-н дуулсан “Wide Awake” дуу чаартын 3-р байрт дээшилж жагссан байна.

Сонгодог урлагт Монголын ард түмнийг “дурлууж” яваа “ Нюанс” хамтлагийнхан энэ сарын 20-22-нд болох “Алтаргана-2012”- наадамд албан ёсоор оролцжээ. Учир нь Агийн районы захирагч Владимир Цэдашиев тэднийг урьсан аж. Монголын хамтлаг, дуучдаас анх удаа попера тоглолтыг хилийн чанадад бүрэн хэмжээгээр толилуулаад амжсан “ Нюанс” хамтлагийнханд үзэгч, сонсогч фенүүд нь ам сайтай байгаа гэнэ. Тэрбээр дөрвөн өөр өнгийг нэгэн тайзнаа цогцлоож, уянгалаг яруу дуунуудыг эгшиглүүлсэн тоглолтыг үзэгчид ихээхэн таашаан хүлээн авчээ.