Өнгөрсөн пүрэв гарагт Нью-Йорк хотноо загварын марафоны анхны долоон хоног өндөрлөв. Сүүлчийн өдрийн үзүүлбэрийн үеэр үй олон зочид цугларсан аж. Алдартнуудын дунд нэрт жүжигчин Николь Кидман байсан бөгөөд тэрээр анх удаагаа загварын долоон хоногийг үзэж сонирхсон байна. Бараг 1000 долларын үнэтэй гоёмсог туфлийнх нь өндөр өсгий түүнийг баллаж орхижээ. Үзүүлбэрийн дараа жүжигчин бүсгүй өөрийн буусан буудал руу явж байтал орох хаалган дээр түүнийг хажуугаар нь өнгөрч явсан унадаг дугуйтай хүн мөргөж унагаасан гэнэ.
Өндөр өсгийт дээрээ тогтож чадалгүй Николь унаж орхисон аж. Аз болж зочид буудлын үүдэнд зөөлөн хивсэнцэр дэвссэн байсан тул Кидман айхтар гэмтэж, шархдаагүй байна. Тэр дугуйтай хүн бол тэндхийн 16 настай папарацци Карл Ву байжээ. Мөргөсөн, мөргүүлсэн хоёр хоёулаа тэрийн унасан гэнэ. Кидман бүсгүй ихэд уурласан бөгөөд бушуухан шиг босоод буудал руу оржээ. Буудлын ажилтнууд эмч дуудаж түүнийг үзүүлсэн байна. Гэрэл зурагчин залууг цагдаа нарт хүлээлгэн өгчээ. Түүнийг явган хүний зам дээгүүр дугуй унаж явсан хэмээн торгох бололтой. Харин Кидман папарацци залууг шүүхэд өгөх бодолтой байгаагаа мэдэгдэв.
Эх сурвалж: wikimon.mn